У Парыжы, Лондане, Берліне, Токіа, Нью-Ёрку і іншых мегаполісах дзяржавы падтрымліваюць праграмы дапамогі пчалярам. Аказваецца, трымаць пчальнік на дахах хмарачосаў, цэркваў, вакзалаў і гатэляў карысна для горада. Hrodna.life разам з Chopin Boutique B&B (буцік-гатэль «Шапэн») у Варшаве распавядае, чаму карысна і бяспечна разводзіць пчол на дахах будынкаў.
Чым пчолы карысныя гораду
«Мы маем зносіны з калегамі з Польшчы, Германіі, і ведаем, што пчолы на дахах будынкаў - гэта бяспечна. Вуллі стаяць на даху, а пчолы сілкуюцца нектарам кветак, якіх сапраўды шмат», — кажа кіраўнік прадпрыемства «Мядовы шлях» і мядовы самелье Вольга Гаўрылік. Па словах Вольгі, у Беларусі нідзе няма вулляў на дахах. Можа быць, такое ёсць толькі дзесьці ў прыватным парадку.
«Калі пчолы апыляюць расліны, тыя становяцца здаравей, на дрэвах і кустах вырастае больш кветак — гэта першы плюс», — кажа Вольга. А больш кветак — больш прыгажосці. Па словах Вольгі, пчолы паляпшаюць экалагічную сітуацыю ў месцы пражывання, апыляючы кветкі на хмызняках і дрэвах.
Турыстычны аспект — гэта другі плюс на думку Вольгі.
«Вуллі на даху — гэта прывабна для турыстаў, нават калі іх туды не вадзіць. Яны будуць ведаць, што на гэтым аб’екце ёсць такі пчальнік або некалькі вулляў, і што тут падтрымліваюць агульную тэндэнцыю экалагічнасці».
«Калі на Зямлі знікнуць пчолы, чалавецтва праіснуе чатыры гады».
Альберт Эйнштэйн (?)
Гэтыя словы прыпісваюць Энштэйну. Даследчыкі сыходзяцца ў меркаванні, што гэтых слоў вучоны не прамаўляў. Але тое, што з гібеллю пчол знікне частка раслін на нашай Зямлі - гэта праўда.
Мёд у цэнтры мегаполіса
Пчолы могуць выжываць усюды, яны выдатна сябе адчуваюць у мегаполісах.
«Яны атрымліваюць мёд нават у цэнтры вялікіх гарадоў. Пчолы такія разумныя істоты — яны перапрацоўваюць і ферментуюць нектар і атрымліваецца мёд, які прыдатны для ежу», — кажа Вольга Гаўрылік.
Рэгулярнасць і аб’ём мёду залежыць ад узятку. Узятак — гэта такое месца, куды пчолы ляцяць збіраць нектар. У Беларусі пчолы апыляюць расліны з канца вясны да пачатку верасня. У розныя месяцы квітнеюць розныя кветкі, таму мёд адрозніваецца.
Гэта бяспечна?
Бяспека пчол для наведвальнікаў грамадскіх месцаў, напрыклад гатэляў, гарантаваная. Вольга Гаўрылік кажа, што пчолы не джаляць. Яны прылятаюць з даху, бяруць нектар і ляцяць назад у вулей.
Дзе можна ўбачыць пчальнік на даху?
Бліжэйшае месца ад Гродна, дзе разводзяць пчол на дахах, — гэта суседняя Польшча. Вуллі ўсталявалі на даху гатэля Chopin Boutique B&B (буцік-гатэль «Шапэн») у Варшаве. Гэта стала магчыма, калі ў 2014 годзе гарадскі савет Варшавы легалізаваў гарадскія пчальнікі.
Соты з мёдам на даху гасцініцы. Фота прадастаўлена буцік-гатэлем «Шапэн» 
Соты з мёдам у гасцініцы. Фота прадастаўлена буцік-гатэлем «Шапэн» 
Мёд у гасцініцы. Фота прадастаўлена буцік-гатэлем «Шапэн»
Наведвальнікі гатэля могуць паспрабаваць мёд на арганічны сняданак альбо купіць мёд у падарунак блізкім. Яго смак змяняецца на працягу года — у залежнасці ад таго, якія менавіта расліны квітнеюць у дадзены момант у гарадскіх парках.
Гатэль размешчаны ў даваенным доме з садам, у ім 34 нумары. Дом, пабудаваны ў 1910 годзе — першы прыклад берлінскага мадэрнізму ў Варшаве. У гэтым доме жыла шляхецкая сям’я Плятэр і галоўны канкурэнт польскага лідара Юзэфа Пілсудскага на палітычнай сцэне — Раман Дмоўскі. Дом адрэстаўравалі ў пачатку 2000-х.
Chopin Boutique B&B (буцік-гатэль «Шапэн») гэта гасцініца для тых, хто падтрымлівае экалагічна дружалюбны лад жыцця.
Тут не толькі ўсталявалі на даху тры вуллі, але і:
- самі абсмажваюць, каву выключна з сертыфікаваных плантацый;
- самі вырошчваюць зеляніну, гародніну і кветкі;
- самі пякуць хлеб, гатуюць джэм і масла;
- 76% прадуктаў і 93% напояў у кафэ — ад лакальных вытворцаў;
- 80% адходаў перапрацоўваюць;
- прапануюць пастаяльцам ровары бясплатна.
ТАА «Ірвінга Група»
УНП 191 751 509
