«Музей Лідскага бровара» адкрыўся для наведвальнікаў на заводзе «Лідскае піва» ў красавіку 2022. Журналісты Hrodna.life аднымі з першых пабывалі на экскурсіі і даведаліся, што можна пабачыць і пачуць на найстарэйшым півавараным заводзе Беларусі.
Празмернае ўжыванне алкаголю шкодзіць вашаму здароўю!
Музей размяшчаецца на чатырох паверхах найстарэйшага будынка завода. Хоць на коміне і бачны надпіс «Сущ. с 1876», сам будынак з’явіўся толькі ў 1910 годзе. Раней заснаваны Носелем Пупко ў 1876 годзе бровар змяшчаўся ў драўляных збудаваннях, а гэта было пажаранебяспечна.
![музей лідскага бровара лидское пиво](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-10.webp)
![музей лідскага бровара лидское пиво](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-08.webp)
Экспазіцыя пачынаецца з агульнай гісторыі піва. У зале, які імітуе сапраўдны бровар, можна даведацца, што піва вынайшлі яшчэ старажытныя шумеры. Археалагічныя звесткі кажуць, што піва варылі ў Месапатаміі 5000 і больш тысяч гадоў таму!
Сёння працэс варкі піва больш складаны і тэхналагічна дасканалы. Пра яго дэтальна расказвае экскурсавод. Аказваецца, любое, нават «нефільтраванае» піва ўсё ж праходзіць як мінімум адну фільтрацыю — аддзяленне ад вадкасці клетак дрожжаў ды іншых узвешаных частак.
![Музей лідскага бровара Лидское пиво](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-20.webp)
![музей лідскага бровара лидское пиво](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-24-800x468.webp)
Для кожнага напою — свая вада
На «Лідскім піве» для ўсіх напояў - піва, кваса, Pepsi, пітной вады Aura ды іншых — выкарыстоўваецца ўласная вада. На тэрыторыі прадпрыемства ёсць дзве свідравіны глыбінёй 300 метраў. З іх здабываюць 150 тон вады ў гадзіну. Для прыгатавання аднаго літра піва трэба выкарыстаць пяць літраў чыстай вады.
Вада таксама адрозніваецца. Для піва — адна, для кваса — іншая. Для Pepsi, каб смак быў ідэнтычны ва ўсіх заводах свету, выкарыстоўваецца ачышчаная, фактычна дыстыляваная вада.
Не толькі смак, але і пах
У адной з залаў вам прапануюць параўнаць і пазнаць пахі характэрныя для розных гатункаў піва. Пшанічнае мае арамат бананаў, цытрусаў. Цёмныя гатункі - шакаладны, карамельны, гваздзікавы пах. Пахі закупараныя ў бутэльках, але пазнаць хаця б палову з усіх можа толькі сапраўдны знаўца. Ёсць некалькі бутэлек з пахамі, якіх не павінна мець добрае свежае піва.
У наступнай зале можна пабачыць калекцыю розных піўных бутэлек XIX-XX стст. з нашага рэгіёну. Ёсць не толькі бутэлькі з бровара Носеля Пупко (менавіта імя заснавальніка доўгі час было ў назве заводе), але і гістарычныя бутэлькі ад знакамітых польскіх бровараў Okocim, Dojlidy, бровараў украінскага Львова, літоўскага Шаўляя, Смаленска ды іншых гарадоў колішняй Расійскай Імперыі. Ёсць і калекцыя піўных этыкетак.
![музей лідскага бровара лидское пиво 04](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-04.webp)
Для кожнага гатунку — свой куфаль
У чарговай зале можна пабачыць «перыядычную табліцу стыляў піва» ды даведацца, што для кожнага гатунку ёсць свой куфаль: «цюльпан» для бельгійскіх эляў і ламбікаў, «штанге» для пільзнераў, «імперская пінта» для стаўтаў і г. д. Там жа можна на інтэрактыўных панэляў згуляць у простыя гульні, каб выйграць «імянную этыкетку».
Чытайце таксама: Уехал в Бельгию и сварил лучшее пиво в мире. История Матвея Шафранского из Гродно
Наступная зала расказвае пра фінскі канцэрн Olvi, якому (пакуль што) належыць 96% «Лідскага піва». Беларускі завод — самы буйны ў складзе канцэрну. У шафах можна пабачыць гатункі піва і напояў, якія выпускаюць іншыя заводы групы ў Фінляндыі, Эстоніі, Латвіі і Літве.
![Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-16.webp)
![музей лідскага бровара лидское пиво](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-14.webp)
![музей лидского бровара лидское пиво 25](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-25.webp)
Перад канцом экскурсіі вас запросяць у кіназалу, дзе ў рэкламным роліку актор, які грае заснавальніка бровара Носеля Пупко, яшчэ раз расказвае пра гісторыю і сучаснасць завода.
Заканчваецца паўтарагадзінная экскурсія на паддашшы будынка ў імправізаваным бары, дзе вам прапануюць дэгуставаць некалькі папулярных гатункаў ад «Лідскага піва».
![Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-11.webp)
Дарэчы, прамысловыя экскурсіі па цэхах прадпрыемства, якія можна было заказаць яшчэ некалькі гадоў таму, цяпер не праводзяцца. Маўляў, на дзеючым прадпрыемстве не варта іх рабіць ды і настроі кіраўніцтва на гэты конт змяніліся.
Чытайце таксама: В Китае обнаружили вино «Лидское». Белорусские пивовары разводят руками
![Ад шумераў і драўляных бочак да Носеля Пупко і Olvi: рэпартаж з “Музея Лідскага бровара”](https://dzh7f5h27xx9q.cloudfront.net/wp-content/uploads/2022/04/muzej-lidskogo-brovara-lidskoe-pivo-15.webp)
Празмернае ўжыванне алкаголю шкодзіць вашаму здароўю!