Новы “сацыяльны” ролік, прынамсі, шакуе. Прыгожая дзяўчына з васількамі, што сімвалізуе нашую мову, пераўтвараецца ў зомбі. І ведаеце, што? Не хочацца нешта яе ратаваць! Так натуральна дзяўчына грае зомбі, яе гераіня выклікае такую агіду, што хочацца яе… дабіць. Нягледзячы на васількі.
Дэмакратычная апазіцыя “ідзе ў народ” – з “Народным рэферэндумам”! Пакуль няясна, якія пытанні будуць выносіцца на галасаванне, як вынікі паўплываюць на жыццё краіны і нават ці адбудзецца рэферэндум увогуле.
У нашых школьных кампутараў, дакладней, у нашых ЭВМ не было “мышак”. Пра “манипулятор типа мышь” мы даведваліся з падручнікаў без ілюстрацый. Затое клавіятура была абсталяваная вялікім чырвоным гузікам з надпісам СТОП.
Гэты ролік на Youtube пацвердзіў гіпотэзу пра перамогу зборнай Паўночнай Карэі над зборнай Бразіліі. На відэа – кавалак навінаў з дзяржаўнага каналу краіны Чучхе: урыўкі з матчу ўперамешку з дыктаркай у студыі. Так, Карэя перамагла Бразілію – 1:0.
Адна вядомая менская блогерка, чалавек-панда (тс-с-с!), трапіла ў шпіталь. І ўжо тыдзень дзеліцца сваімі ўражаннямі і назіраннямі з жыхарамі сеціва. Уколы а шостай гадзіне раніцы, размовы супалатніц пра веліч Саладухі – гэтыя гісторыі яна апавядае лёгка і свежа. Вядома, што медыцынскія гісторыі ды байкі – самыя смешныя і самыя драматычныя. Адпаведна як і беларуская медыцына.
– …і дастаць муху з майго піва? – У гэтую фразу я ўклаў увесь свой сарказм. Афіцыянтка не разгубілася, схапіла зубачыстку, і са словамі «вядома- вядома » па-майстэрску вылавіла казюльку.
