У часе канферэнцыі «Роля стандартызацыі ў падвышэнні якасці прадукцыі», якая прайшла ў Гродна, адбылося ўручэнне дыпламоў гродзенскім прадпрыемствам, якія прызнаны лепшымі таварамі РБ на рынку Расійскай Федэрацыі.
Каля 20 аўтамабіляў БМВ раскамплектавалі невядомыя зламыснікі за мінулыя выходныя ў Гродна. Іншамаркі начавалі ў жылым сектары каля пад’ездаў дамоў, прычым, ні адна з іх не была абсталяваная ахоўнай сігналізацыяй.
Вынікі абласнога конкурсу «Жанчына года», якія былі падведзеныя ў Гродна, вызначылі 18 лепшых прадстаўніц розных прафесій са ўсяго рэгіёну. З іх дзве гарадзенкі – неанатолаг Гродзенскай абласной дзіцячай клінічнай бальніцы Ганна Крайняя і старшыня камітэту тэрытарыяльнага самакіравання Кастрычніцкага раёна Людміла Паўлічэнка.
За тыдзень жыцця па новых правілах – з флікерами – больш за 300 пешаходаў аштрафаваныя за шпацыр без гэтага ўсталяванага законам упрыгожвання.
У Наваградскім краязнаўчым музеі адкрылася экспазіцыя, прысвечаная 100-годдзю Барыса Кіта – доктара філасофскіх навук у галіне матэматыкі і гісторыі навук, ганаровага прафэсара Мэрылендскага ўніверсітэта ў ЗША, акадэміка Міжнароднай акадэміі астранаўтыкі ў Парыжы, які вырас на Наваградчыне.
Сёння – трэці дзень выставы з гучнай назвай «Гродна Аўта-2010». Плынь наведвальнікаў (у параўнанні з днём адкрыцця) значна парадзела. Магчыма, прычына і ў тым, што панядзелак – дзень «цяжкі», будзённы. А магчыма, і ў тым, што чутка пра «сціплыя» магчымасці выставы ўжо распаўсюдзілася па горадзе.
Уздоўж Аўгустоўскага каналу размешчаны дзесяткі археалагічных помнікаў розных перыядаў… У Краснасельску – крэмнездабываючыя шахты… У Дзятлаўскім раёне – гарадзішча ў в. Санюкі… У Воранаўскім – знакаміты комплекс каля в. Нача. А ў Шчучынскім – археалагічны помнік вакол возера Берштаўскае.
Будаўніцтва смеццеперапрацоўчага завода ў Гродна пераносіцца на 2011 год, хаця паводле нацыянальнага плану дзеянняў па рацыянальным выкарыстанні прыродных рэсурсаў і ахове навакольнага асяроддзя першую чаргу будаўніцтва – сартавальную лінію – планавалася здаць ужо сёлета.
Пракуратура Гродзенскай вобласці распачало крымінальную справу ў дачыненні начальніка ДАІ Астравецкага РАЎС і двух яго сяброў, якія ў студзені на пазапраўным паляванні (папросту ў часе браканьерства) адстрэлілі трох дзікоў.
Згодна з пастановай Міністэрства эканомікі, кошт паездкі ў грамадскім транспарце павялічыцца на 20% і складзе 600 рублёў (зараз — 500), а ў сталіцы – 700 рублёў. Праўда, калі гэта адбудзецца, заўтра, ці пасля 1-га сакавіка ні ў Аўтобусным парку, ні ў тралеўбусным упраўленні нам дакладна не адказалі.
