Рэспубліканская навукова-тэхнічная канферэнцыя “Турызм у Рэспубліцы Беларусь: стан і перспектывы развіцця” адбудзецца ў Гародні 19-20 лістапада, паведамляе дэкан факультэта турызму і сервіса ГрДзУ Сяргей Данскіх.
На Астравеччыне распачалася валанцёрская акцыя супраць знішчэння рэдкіх ласасёвых рыб, якія ўжо з першымі замаразкамі пачалі заходзіць у мясцовыя рэчкі на нераст.
Гродзенскім гісторыкам ветліва адмовілі ў справе аднаўлення зліўной сістэмы палаца ў Свяцку.
Выйшла ў свет кніжка ўспамінаў пра хор беларускай духоўнай музыкі «Бацькаўшчына» Міхася Амялішкі.
Галоўнае ўпраўленне юстыцыі Гродзенскага аблвыканкама вырашыла адмовіць у рэгістрацыі слонімскаму аб’яднанню «Залаты леў». Самая абсурдная прычына адмовы ў рэгістрацыі, пазначаная чыноўнікамі – сцвярджэнне, што ў «тэксце статута арганізацыі адсутнічае расшыфроўка назвы «Залаты леў».
Калі ў Вас добрае сэрца і Вы адчуваеце жаданне дапамагаць іншым людзям, але не ведаеце, як гэта зрабіць, куды пайсці і з чаго пачаць, запрашаем вас прыняць удзел у дзейнасці гарадзенскай групы валанцёраў, якая ствараецца пры падтрымцы грамадскага аб’яднання “Цэнтр “Трэці сектар”.
Падвысіліся мытныя пошліны на шэраг імпартных харчовых тавараў тэрмінам на 9 месяцаў. «Рэкардсменамі» апынуліся цыбуля, капуста, морква, больба і буракі, пошліна на якія цяпер складае 180 адсоткаў ад кошту тавару (папярэдняя – 5-15%).
Гродзенскім аблвыканкамам сумесна з адміністрацыяй СЭЗ «Гроднаінвест» абмяркоўваецца пытанне аб стварэнні вольнай эканамічнай зоны «Гроднатурінвест», якая будзе распаўсюджвацца на тэрыторыю Аўгустоўскага канала.
Пракуратурай Гродзенскай вобласці накіравана ў суд крымінальная справа ў дачыненні да жыхара Гродна Г. – удзельніка злачыннай арганізацыі, якая займалася ў 2003—2009 гадах крадзяжамі аўтамабіляў (пераважна японскіх вытворцаў), іх легалізацыяй і наступным перапродажам у Кыргызстане, на расійскім Далёкім Усходзе і ў Манголіі.
Толькі што ў Гродна прайшлі Дні святога Губерта, якія ладзіліся ўжо другі год. Гэтым разам Дні былі больш багатыя на імпрэзы і ўрачыстасці.
