У мінулую пятніцу і суботу, 24-25 чэрвеня, у Лідзе прайшоў міжнародны эканамічны форум “Ліда-рэгіён-2011”. Мерапрыемства наведалі прадстаўнікі пасольстваў дзясятка краін і больш сотні прадпрымальнікаў з суседніх рэспублік.
У ліпені бягучага года непрацуючыя грамадзяне, якія атрымліваюць пенсіі менш за 686 тыс. рублёў, атрымаюць разавую матэрыяльную дапамогу ў памеры 150 тыс. (30 даляраў па афіцыйным курсе Нацбанка).
Калі ў 90-ыя гады ў Гародні развіваўся анархістычна-альтэрнатыўны рух, усё ішло паводле правіл – пачыналі граць маладыя гурты, узнікалі розныя ініцятывы, а таксама былі пробы стварання сваёй прэсы – зіны. Адным з першых такіх зінаў быў “Робочий гудок”.
Канцэрн “Белнафтахім” ініцыіруе павысіць кошты на нафтапрадукты з 1 ліпеня ў сярэднім на 3%. Прапанова выклікана цяжкім фінансавым становішчам беларускіх нафтапераапрацоўчых заводаў.
Сёння, 27 чэрвеня, мінае тэрмін, калі Беларусь павінна згасіць запазычанасць перад расійскай кампаніяй «Інтэр РАО ЕЭС» за пастаўкі электраэнергіі ў краіну. Расійская кампанія мае намер спыніць пастаўкі электраэнергіі, калі Беларусь не згасіць доўг да сённяшняга вечара.
“Тэлерадыёкампанія Гродна” прыняла актыўны ўдзел у чацвёртым спартыўна-творчым фестывалі “Па-за эфірам”. На мерапрыемстве сабраліся 13 каманд, каля 200 чалавек – прадстаўнікі тэлебачання і радыё ўсіх рэгіёнаў краіны. Акрамя спартыўных спаборніцтв, у рамках фестывалю былі падведзеныя вынікі творчай работы за год.
Гарадзенец выкраў у сваей жонкі тысячу даляраў.
Па інфармацыі Упраўлення Унутраных спраў Гарадзенскага аблвыканкама, у міліцыю звярнулася 49-гадовая жыхарка горада Гродна, у якой 25 чэрвеня скралі тысячу даляраў.
З 28 па 30 чэрвеня мытня будзе афармляць машыны прама на мяжы. Цяпер аўтамабілістам не трэба будзе ехаць на ўнутраныя пункты тэхнічнага абслугоўвання (ПТА). Гэта працэдура ўводзіцца для палягчэння сітуацыі на беларуска-польскай мяжы, дзе ў апошнія тыдні ў дзесяткі разоў павялічыўся паток іншамарак. Ажыятаж выкліканы тым, што з першага ліпеня Беларусь пяройдзе на расійскія мыты на ўвоз аўтатэхнікі.
Актывісту Саюзу палякаў у Беларусі прысудзілі штраф у 2 млн 100 тысяч рублёў (60 базавых велічыняў).
Усе касацыйныя скаргі фігурантаў справы 19 снежня, якія разглядаліся сёння ў мінскім гарадскім судзе, былі адхіленыя.
