3 красавіка ў бібліятэцы Свята-Пакроўскага кафедральнага сабора адбылася унiкальная выстава напрастольных Евангеліяў з рызніцы i сховiшч гарадзенскага храма. У мерыпрыемстве прынялi удзел настаяцель кафедральнага сабора протаіерэй Георгій Рой, а таксама загадчык сектара прыхадскіх бібліятэк іерэй Уладзімір Барысевіч.
У нядзелю, 3 красавіка ў гандлёвым цэнтры OldCity прайшла акцыя “Этнатанцы ў Старым горадзе з беларусачкамi”, дзе ўсе ахвотныя маглі разам з удзельніцамі фолк-конкурсу “Гарадзенская беларусачка – 2016” і фалькларыстам Антонам Янкоўскім развучыць традыцыйныя беларускія танцы і акунуцца ў атмасферу сапраўднага этнасвята.
Трэнера гродзенскай футбольнай каманды «Ніва-Белкард» Дзяніса Леўчанка ў верасні мінулага года звольнілі. Нібыта за прафнепрыдатнасць: дырэктар клуба быў незадаволены, што выхаванкі не паказваюць належных вынікаў. Праўда, самі дзяўчынкі з такім станам спраў былі не згодныя. Падчас хатняга матчу з “Зоркай БДУ” яны абвясцілі сапраўдны байкот: стаялі на поле і не рухаліся. Футбалісткі ўжо ведалі, што іх трэнер пасля гэтай гульні сыходзіць з каманды. І з такім рашэннем кіраўніцтва клуба яны мірыцца не хацелі.
Пачатак сезону, а фанаты “Нёмана” зноў здзіўляюць грамадскасць. На гэты раз гарадзенцы правялі акцыю ў памяць аб народным паэце Беларусі Ніле Гілевічы. На працягу матча “Нёман” – “Граніт”, фанаты некалькі разоў спявалі песню на словы народнага паэта Беларусі “А я лягу прылягу”, а таксама правялі хвіліну маўчання.
Вядоўца сёлетняў дыктоўкі актор і бард Віктар Шалкевіч спяваць пачаў толькі напрыканцы імпрэзы. Але атмасферу спектакля і феерычнасці стварыў ужо самім фактам сваёй прысутнасці ў аўдыторыі. З яго вачей сыпаліся іскры, з вуснаў жарты і немагчыма было не патрапіць пад уплыў акторскай харызмы. З тае нагоды ІХ беларуская дыктоўка ў Гродне, што праходзіла 3 красавіка, мела яркую творча-энергетычную афарбоўку.
У Гродне стартаваў чэмпіянат Беларусі па футболу ў Вышэйшай лізе. Гарадзенскі “Нёман” у першым туры прымаў мікашэвіцкі “Граніт”. Сустрэча паміж супернікамі скончылася баявой нічыёй 1:1.
1 красавіка ў Гродзенскай ЭкаСтудыі ўшанавалі памяць галандскага мастака Ван Гога. Дзецям расказалі біяграфію мастака, не закранаючы трагічныя моманты яго лёсу. Таксама дзеці паўдзельнічалі ў інтэрактыўных гульняў і зрабілі з эка-матэрыялаў сланечнік – любімую кветку Ван Гога.
3 красавіка ў Гродне стартуе Чэмпіянат Беларусі па футболу ў Вышэйшай лізе. Ужо традыцыйна перад пачаткам новага сезона мы пагутарылі з гарадзенскіміі спартыўнымі аглядальнікамі і даведаліся пра іх меркаванні і чаканні на футбольны год.
Гарадзенскія баскетбалісткі правялі першую гульню за трэцяе месца з камандай РГУОР з Мінска 2 красавіка. У напружанай барацьбе каманда Аляксандра Шымкавяка абыграла суперніц з лікам 81: 78.
У апошні дзень сакавіка чыгуначнікі Гродна правялі адзіны дзень пасажыра. Усе ахвотныя маглі задаць пытанні спецыялістам ці ўнесці прапановы па паляпшэнню работы беларускай чыгункі.
