Пра невялікі выкід на прадпрыемстве “Гродна Азот”, які нібыта зафіксавалі датчыкі раніцай 16 чэрвеня, гарадзенцы пачалі пісаць у сацыяльных сетках пасля 9.00. Бацькі, даведаўшыся пра жоўтае воблака на адным з цэхаў, званілі ў дзіцячыя садкі і прасілі закрываць вокны ды не выпускаць дзяцей на вуліцу. Тым часам супрацоўнікі посцілі сэлфі і супакойвалі людзей, што такое здараецца заўсёды, калі спыняецца цэх азотнай кіслаты.
Напэўна, многія гарадзенцы заўважалі ў Пышках дзяўчыну, якая рэгулярна катаецца на роліках вакол конусаў і пры гэтым танчыць. Завуць яе Васіліса Маслава і яна чэмпіёнка Беларусі па фрыстайл-слалому.
Шэраг майстар-класаў па розных напрамках фітнэсу пройдзе гэтым летам у Пышках. Першы занятак будзе прысвечаны зумбе і адбудзецца 18 чэрвеня ў 11.00 на паляне каля танцпляцоўкі. Праект #МояТренировкаСегодня, у межах каторага пройдуць трэніроўкі, арганізаваны кампаніяй МТС у партнёрстве з Grant Fitness. Са словаў арганізатараў, праект прызначаны ў падтрымку для кожнаму, хто хоча весці актыўны лад жыцця. Апроч Гродна бясплатныя трэніроўкі гэтым летам пройдуць у Мінску, Брэсце, Віцебску, Мазыры і Магілёве.
– Я б хацеў, каб колькасць віз, якія выдаюцца беларусам, павялічылася, – заявіў новы пасол Польшчы Конрад Павлік. Паводле яго дадзеных, грамадзяне Беларусі ў мінулым годзе аформілі ў польскіх консульствах і візавых цэнтрах 400 тысяч віз, піша TUT.BY.
У сядзібе Свяцк Гурскіх пад Гродна 14 чэрвеня здарыўся пажар. Па версіі пажарнікаў, прычынай магла стаць ежа, пакінутая без дагляду на электрапліце. Згарэла 500 кв.м. даху на самай старой і каштоўнай частцы будынка 1828 года, паведамілі ў прэс-службе МНС.
За апошні год, цягам якога незвычайны камандны спорт бампербол існуе ў Гродне, ён паспеў займець сваіх прыхільнікаў. Арганізатары да пачатку новага гульнявога сезону знялі адмысловае відэа, а ў канцы лета плануюць правесці вялікі турнір для каманд з усёй краіны.
Дзеці, што наведаюць АРТ-Пікнік ў “Велесе” 19 чэрвеня, змогуць пабудаваць уласны “Кардонны горад”. Арганізатарам творчай “будаўнічай пляцоўкі” выступіла Дзіцячая экастудыя, а пастаўшчыком “будматэрыялаў” стала кампанія “ЛайтПакСервис”, што прадукуе ўпакоўку з гафрыраванага кардона. Летась “Кардонны Гродна” паўстаў у дзень горада каля тэатра лялек. Але арганізатары сёлетняй імпрэзы абяцаюць зрабіць новы горад з кардону яшчэ больш крэатыўным і інтэрактыўным.
Адкрыццё гіпермаркета “Евроопт” у гандлёвым цэнтры Old City адбудзецца 16 чэрвеня ў 16.00. Арганізатары абяцаюць шырокую забаўляльную праграму, канцэрт і дэгустацыі. Таксама стала вядома, што новыя крама будзе працаваць ва ўмовах “лінгвістычнага эксперыменту”. Уся пісьмовая камунікацыя, а таксама назвы аддзелаў, тавараў, акцый і г.д. тут будуць беларускамоўнымі.
У гарадзенскім Тэатры лялек рыхтуюцца да прэм’еры чэхаўскай “Чайкі”. Камедыі, прыняць якую ад часу яе стварэння зусім не проста. Чаму п’еса, напоўненая болем і непаразуменнямі, названа камедыяй – большасці тагачасных гледачоў было не зразумела. Ды і для сённяшніх аматараў тэатра гэта не заўжды празрыста. Адказы на дылетантскае пытанне “Дзе смяяцца?” шукаем у асяродку адмыслоўцаў.
Дзеці, якія мелі быць у школьным летніку, хадзілі па парэнчах мосту ў парку Жылібера. Іх заўважылі 14 чэрвеня ў першай палове дня. Хлопцы патлумачылі, што выхавацелі адпусцілі іх пагуляць у горадзе пры ўмове, што яны вернуцца да абеду.
