Гандлёвая галерэя Auchan Hetmańska, якая адкрылася ў 2008 годзе, пашыраецца. У выніку будаўніцтва, якое вядзецца ў заходняй частцы цэнтра, плошча павялічыцца да 25 тыс кв.м., а колькасць крамаў дасягне 60, піша poranny.pl.
Два тыдні малыя гарадзенцы займаліся творчасцю пад кіраўніцтвам выкладчыкаў з Літвы. Таму 23 ліпеня для іх дата вельмі важная. У гэты дзень адкрыецца выстава прац, створаных пад час летняй школы.
Абвінаваціць арбітраў у падсуджванні БАТЭ, паказаць заўзятарам гэтага клуба голую дупу, а праз год праз гукаўзмацняльнік папрасіць прабачэння за гэта. Публічна крытыкаваць трэнераў, штогод змяняць па дзьве каманды, калекцыянаваць пашпарты – гэта ўсё пра навабранца гарадзенскага “Нёмана” Філіпа Рудзіка, які мае дапамагчы выцягнуць гарадзенскі футбол з ямы.
На падставе матэр’ялаў абласнога упраўлення Дэпартамента па працы. Дзяржпрамнагляду МНС, РУП “Гроднаэнерга” пракуратура прааналізавала стан прамысловай бяспекі на ААТ “Гродна Азот”. Нагодаю для пракурорскай праверкі сталі вынікі расследавання прычын і ўмоў няштатных сітуацый і няшчасных выпадкаў з гібеллю людзей на прадпрыемстве. Старшы памочнік пракурора Гродзенскай вобласці Вячаслаў Ігнацік паведаміў Белта, што пракураткра палічыла інфармаванне людзей аб стане экалагічнай бяспекі прадпрыемства недастатковым
Будынак былога пажарнага дэпо ў Лідзе неўзабаве ператворыцца ў абласны “Цэнтр бяспекі” з інтэрактыўнымі квэстамі, сімулятарамі надзвычайных становішчаў і камп’ютарнымі гульнямі-тэстамі. Кіраўнік Гродзенскага аддзялення МНС Сяргей Шпарло паведаміў, што будынак прайшоў рэканструкцыю, гатова ўся праектная дакументацыя, а ўвосень чакаеццца ўвод у дзеянне першай часткі адукацыйнага комплекса.
Прафесійная свята ратавальнікаў-пажарных адзначаць у Гродне 25 ліпеня. Святочныя мерапрыемствы пройдуць ў парку імя Жылібера. У праграме імпрэзы – прысяга ратавальнікаў-навабранцаў, выстава тэхнікі і абсталявання, святочны канцэрт, віктарыны і конкурсы з прызамі для ўсіх ахвотных.
У трохдзённай праграме: гульнятэкі на свежым паветры, спаборніцтвы, эстафета, песні ля вогнішча, купанне і шашлыкі. Сустрэча адбудзецца на возеры Кавені з 29 па 31 ліпеня. Даезд і харчаванне за пэўную суму забяспечваюць арганізатары.
Атрымаць паведамленне аб штармавых папярэджаннях і правілах паводзін пад час надзвычайных здарэнняў могуць карыстальнікі мабільнага дадатка “МЧС Беларуси: Помощь рядом”. “Адна з галоўных функцый МНС – своечасова папярэдзіць людзей аб небяспецы”, – зазначыў на прэс-канферэнцыі 21 ліпеня кіраўнік Гродзенскага упраўлення МНС Сяргей Шпарло. Ён лічыць, што мабільны дадатак дапаможа карыстальнікам зарыентавацца і эфектыўна дзейнічаць ў нестандартных сітуацыях.
Рэтрыт – адзінота для ўнутранай працы над сабой. Група людзей паедзе на тыдзень у лес, дзе дасць зарок маўчання і правядзе час у танцы і цішыні. У праграме – унутраны танец, лабараторыі перформансаў, медытацыя і іншае. Рэтрыт пройдзе 14-20 жніўня.
XXIX міжнародная шматдзённая веласіпедная гонка “Нёман” стартавала 21 ліпеня ў Гродне. У спаборніцтвах бяруць удзел маладыя спартсмены з шасці краін: Беларусі, Расіі, Польшчы, Літвы, Малдовы i Украiны.
