Сонечная электрастанцыя на 2,5 МВт пачала працу ў Шчучынскім раёне

Новая сонечная электрастанцыя размясцілася на тэрыторыі былога ваеннага аэрадрома пад Шчучынам. Узводзіла яе ТАА “ЛогАл-Энерга”, аб’ём інвестыцый склаў каля 50 млрд (недамінаваных) рублёў, паведамляе БелТА.

Жыць ці пісаць. У Гродне адкрыецца выстава, прысвечаная Варламу Шаламаву

|

На выставе сабраны дакументы, фатаграфіі і мастацкія творы. Яны будуць прадстаўлены наведвальнікам у выглядзе 35 плакатаў на рускай мове, якія апісваюць жыццё і творчасць Шаламава. Выставу можна будзе ўбачыць у ДОМе 46 з 27 ліпеня па 14 жніўня.

Звесткі з мяжы. Што фоткаюць у Instagram у Брузгах і Прывалцы

Чаргі, сэлфі ў машыне, крама duty free, сцягі нашых суседзяў, прадукты… Гэта граніца, дзетка! Тут фантазіі для фота няма канца!

Гарадзенская моладзь адправілася на цягніку на Сусветныя Дні Моладзі ў Кракаве

|

Група з 313 пілігрымаў, пераважна грамадзян Беларусі, а таксама некалькі чалавек з Нігерыі, Літвы, Расіі і Украіны, 20 ліпеня перасякла мяжу ў Кузніцы і на адмысловым цягніку накіравалася ў Кракаў на Сусветныя Дні Моладзі, паведаміла прэс-сакратар Падляшскага аддзялення Польскай мытнай службы Катажына Здановіч.

Фотафакт: Над Азёрамі з’явілася незвычайная вясёлка – гало

|

Незвычайную з’яву – вясёлку вакол сонца – можна было назіраць 20 ліпеня ў Азёрах ля Гродна. Яна называецца “гало” і сустракаецца даволі рэдка.

Падрыхтоўка да другога круга чэмпіянату: “Нёман” прайграў “Мінску”

|

У сераду 20 ліпеня гарадзенскі “Нёман” правёў чарговы таварыскі матч. У сталіцы падапечныя Ігара Кавалевіча памераліся сіламі з ФК “Мінск”. З лікам 1:0 перамога дасталася сталічнай камандзе.

Гарадзенскія журналісты ўшанавалі памяць Паўла Шарамета

|

Знічкі ў памяць пра забітага ў Кіеве беларускага журналіста Паўла Шарамета з’явіліся ўвечары 20 ліпеня ля ганаровага консульства Украіны ў Гродне. Такім чынам мясцовыя журналісты ўшанавалі памяць пра свайго калегу. 

Што гарадзенцы думаюць пра планы ДАІ абмежаваць рух веласіпедыстаў на Старым мосце

|

Гарадзенская ДАІ вынесла на грамадскае абмерканне пытанне змены ў руху веласіпедыстаў на Старым мосце. Прычына – частыя канфлікты паміж пешаходамі і веласіпедыстамі.

Камп’ютар навучыўся расфарбоўваць здымкі: вось што ён зрабіў са старымі выявамі Гродна

|

Кампанія Algorithmia прапанавала карыстальнікам сеціва новы праект для дыстанцыйнай адукацыі распрацоўшчыкаў праграманага абсталявання. У якасці рэкламы патэнцыйных магчымасцей нейрасетак (праграмных структур, якія саманавучаюцца) кампанія прапанавала два сэрвісы для працы з выявамі. Першы вызначае мясцовасць і размешчаныя на фота аб’екты, а другі можа расфарбоўваць чорна-белыя фота. Фотаздымкі дастаткова загрузіць на сервіс і праз некалькі секунд яны ўжо будуць каляровымі.

“Гарадзенская начная дзесятка” запрашае прабегчыся ў цемры

|

Першы ў гісторыі гарадзенскага спорту начны забег па горных схілах стартуе 23 ліпеня ў 23.00 у парку актыўнага адпачынку “Каробчыцкі Алімп”. Ахвотным выпрабаваць сябе прапануюць тры варыянты дыстанцыі з рознай працягласцю і наборам вышыні. Удзельнічаць у спаборніцтве можа любы ахвотны, на фінішы кожны атрымае памятны медаль.