Панарама старога Гродна з’явіцца на плоце, які аддзяляе тэрыторыю будучай гасцініцы на Вялікай Траецкай і сінагогі. Над гэтым праектам працуе гродзенскі мастак Максім Карповіч. Ён маляваў гравюру ў дворыку ABC.
Новую працу Максім плануе скончыць да канца тыдня. За аснову ён браў тую ж панараму Гродна,
якую малявалі ў 2015 годзе на падпорнай сцяне замкавай гары.
— На гэтым плоце я ўжо маляваў перад мінулым фестывалем нацыянальных культур. Ён тады аддзяляў будаўнічую пляцоўку і праезную частку. Цяпер будынак аднавілі, там будзе гатэль. А гэты ж плот ужо раздзяляе адноўлены будынак і частку сінагогі, дзе ў будучыні будзе рамонт, — распавёў мастак.
