Пра гэта паведаміў Джордж Кент, намесьнік памочніка дзяржаўнага сакратара ЗША для Эўропы і Эўразіі, выступаючы сёньня ў дыстанцыйнай дыскусіі аб Беларусі зь міністрам замежных справаў Літвы Лінасам Лінкявічусам, арганізаванай Атлянтычнаю Радаю ў Вашынгтоне, піша С**бода.
![Джордж Кент](https://gdb.rferl.org/76B55213-497B-4D18-85DB-36BF8C338A76_w650_r0_s.jpg)
Амэрыканскі дыплямат заявіў: «Міністар Лінкявічус адзначыў, што Эўразьвяз спадзяецца абвясьціць санкцыі ў найбліжэйшыя дні. Я актыўна кантактую з сваімі эўрапейскімі (гэта ЭЗ і Вялікая Брытанія) і канадзкімі калегамі і мы імкнемся да скаардынаванага абвяшчэньня. Разьлічваем зрабіць гэта ў пачатку ці ў сярэдзіне наступнага тыдня».
![Лінас Лінкявічус](https://gdb.rferl.org/7FDE2C35-9238-4DAE-A47E-DE5CE20C9394_w650_r0_s.jpg)
Кіраўнік МЗС Літвы Лінкявічус выказаў спадзеў, што санкцыі Эўразьвязу будуць прынятыя на наступным тыдні.