Інфармацыйны Telegram-канал NEXTA-Live і лагатып NEXTA прызнаныя экстрэмісцкімі матэрыяламі, піша БелТА.
Пра гэта 20 кастрычніка паведаміла прэс-служба Вярхоўнага суда. Рашэнне аб прызнанні канала і лагатыпа экстрэмісцкімі вынес суд Цэнтральнага раёна Мінска.
Міністэрству інфармацыі цяпер неабходна ўключыць інфармацыйны канал NEXTA-Live і лагатып NEXTA ў рэспубліканскі спіс экстрэмісцкіх матэрыялаў, прыняць меры па абмежаванні доступу да інфармацыйных рэсурсаў, якія змяшчаюць аналагічныя назвы, і іх распаўсюджванню ў беларускім сегменце.
Рашэнне суда падлягае неадкладнаму выкананню.
Суд выявіў, што інфармацыйная прадукцыя (відэаролікі), размешчаная ў Telegram-канале NEXTA-Live ў перыяд з 9 па 11 жніўня 2020 года, утрымлівае прыкметы экстрэмісцкай дзейнасці ў адпаведнасці са арт. 1 Закона Рэспублікі Беларусь «Аб супрацьдзеянні экстрэмізму», а менавіта: арганізацыя і публічныя заклікі да ажыццяўлення масавых беспарадкаў.
Грамадзянская справа разгледжана па заяве Галоўнага ўпраўлення па барацьбе з арганізаванай злачыннасцю і карупцыяй Міністэрства ўнутраных спраў Беларусі.
МУС праводзіць мерапрыемствы ў дачыненні да асоб, якія ў Telegram-канале NEXTA-Live ў перыяд з 9 па 11 жніўня 2020 года размясцілі пэўную інфармацыю. У ёй, як вынікае з заключэння Рэспубліканскай экспертнай камісіі па ацэнцы інфармацыйнай прадукцыі на прадмет наяўнасці (адсутнасці) прыкмет праявы экстрэмізму, утрымліваюцца прыкметы экстрэмісцкай дзейнасці.
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…