Аляксандр Лукашэнка падчас працоўнага наведвання ў Стаўбцоўскую раённую бальніцу прапанаваў зрабіць Усебеларускі народны сход канстытуцыйным органам.
«Я так думаю (не ведаю, падтрымаеце вы ці не): Усебеларускі народны сход трэба зрабіць канстытуцыйным органам. Каб быў такі орган, які б кантраляваў галоўныя напрамкі нашага развіцця», — сказаў Аляксандр Лукашэнка на сустрэчы з калектывам бальніцы, перадае БелТА.
Парадак Усебеларускага народнага сходу будзе канчаткова сфарміраваны пасля калядных святаў, паабяцаў ён. Сам сход пройдзе ў канцы студзеня — пачатку лютага.
Таксама Лукашэнка прапанаваў абіраць дэлегатаў на пяцігадовы тэрмін. Роля іх будзе значна вышэй. «Калі растварыць паўнамоцтвы прэзідэнта, будзе поўны бардак, які мы ў сярэдзіне 90-х перажылі. Таму патрэбны орган, які б усіх стабілізаваў, — сказаў ён. — Я прыхільнік таго, каб усе вырашалі вы. Народ павінен вырашаць».
Традыцыйна на двухдзённы сход з’язджаюцца прадстаўнікі розных галін улады, кіраўнікі і працаўнікі прадпрыемстваў, прадстаўнікі арганізацый з усіх рэгіёнаў краіны. Раней паведамлялася, што ў гэты раз на «народным вечы» будуць прадстаўлены канстытуцыйныя змены. Прэм’ер-міністр Раман Галоўчанка заявіў: адрозненне бліжэйшага народнага сходу ад папярэдніх заключаецца ў тым, што на яго будуць выносіцца не толькі пытанні сацыяльна-эканамічнага развіцця краіны, але і грамадска-палітычныя.
Отмена смертной казни, выборность мэров. Что предлагали на Гродненщине по изменениям в Конституцию
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…