Перад пасяджэннем па справе Ігара Банцэра 12 сакавіка. Фота: Ірына Новік
12 сакавіка на судовым паседжанні павінны былі апытаць сведак па справе Ігара Банцэра. Сведка на суд не з’явіўся — пасяджэнне перанеслі на чацвер 18 сакавіка. Банцэр у канцы паседжання заявіў, што на сухой галадоўцы зможа пратрымацца да панядзелка. Паводле медыцынскай літаратуры, чалавек без ежы і вады жыве 7−10 дзён.
Падтрымаць Ігара Банцэра прыйшлі каля 40 чалавек: блізкія, сябры, калегі, праваабаронцы. Паседжанне пачалося з затрымкай на 30 хвілін. У залю пусцілі толькі палову ад усіх жадаючых. Ім забаранілі здымаць і папрасілі выключыць тэлефоны.
Ігару Банцэру 41 год. Ён — лідар гродзенскага стрыт-панк-гурта Mister X. У Гродне займаецца культурнай і грамадскай дзейнасцю. Жанаты, трое дзяцей. Вегетарыянец, антыфашыст, стрэйтэйджар. Гродзенскага музыку затрымалі 20 кастрычніка 2020 года і абвінавацілі ў хуліганстве за танец у стрынгах перад міліцыянтам 5 верасня. Ігара заключылі пад варту, трымалі ў адзіночнай камеры, адпраўлялі на прымусовую псіхіятрычную экспертызу ў Мінск, змяшчалі ў карцэр.
Ігар Банцэр выглядаў знясіленым, вены на яго твары і шыі былі напружаныя. Ён стаяў, прыхінуўшыся да шкла, з паднятымі ўверх рукамі ў кайданках. Голас музыканта стаў сіплым, Ігар казаў працяжна. Жонка Анжаліка Арэхва практычна неадрыўна глядзела на мужа.
Маці музыкі неаднаразова да і пасля пасяджэння прасіла Ігара пачаць піць ваду. «Не, не, не!" — крычаў Банцэр.
— Вы сябе добра адчуваеце? — удакладніла перад пачаткам пасяджэння суддзя Наталля Козел.
— Я адчуваю сябе выдатна на 10-я суткі галадоўкі, — адказаў Ігар, — Дзякуй вам, Высокі суд!
— Вы можаце ўдзельнічаць у судовым пасяджэнні?
— А навошта мяне сюды, Высокі суд, даставілі на вашу думку?
Ігар Банцэр накіраваў зварот аб змене меры стрымання на падпіску аб нявыездзе. Яго разгледзелі на пасяджэнні 12 сакавіка — суддзя адмовіла. Пасля гэтага паседжанне перанеслі з-за няяўкі сведкі. Мама музыкі эмацыйна на гэта адрэагавала і заявіла, што на відэа бачна, што Банцэр быў у стрынгах, а не голым. «Забойства і ілжэсведчанні - самыя страшныя злачынствы!», — сказала яна.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…