Фото: pixabay.com
Кампанія «British American Tobacco» спыніла супрацоўніцтва з Гродзенскай тытунёвай фабрыкай «Нёман», сказана на афіцыйным сайце кампаніі. Прычынай назвалі санкцыі і абвінавачванні BAT у парушэннях правоў чалавека і незаконным гандлі.
«British American Tobacco» — найбуйнейшая сусветная тытунёвая кампанія і адзін з асноўных партнёраў Гродзенскай тытунёвай фабрыкі. Фабрыка «Нёман» вырабляла паводле яе ліцэнзіі вядомыя тытунёвыя брэнды — «Kent», «Pall Mall», «Lucky Strike», «Vogue», «Rothmans». Вытворчасць вялася у межах праграмы імпартазамяшчэння. Таксама Гродзенская тытунёвая фабрыка супрацоўнічае з английскай кампаніяй «Tobacco International Enterprises Limited».
British American Tobacco ў 2021 годзе праводзіла аўдыт па ацэнцы ўмоў працы на гродзенскай «табачцы», але перапыніла яго, як і супрацоўніцтва, праз уведзеныя ў дачыненні да Беларусі санкцыі. Таксама BAT называлі датычнай да кантрабанды цыгарэт з Беларусі, сказана ў паведамленні. Але расследаванне кампаніі паказала, што гэта тычылася толькі беларускіх брэндаў.
Чытайце таксама: Единственного бастовавшего на «табачке» в Гродно ищет милиция — через пять месяцев после его отъезда в Польшу
9 жніўня 2021 года стала вядома, што Гродзенская тытунёвая фабрыка «Нёман» трапіла ў санкцыйны спіс ЗША. Пад абмежаваннямі Вялікабрытаніі аказалася ўся тытунёвая галіна Беларусі.
Чытайце таксама: Табачная фабрика «Неман «надеется найти замену сырью из ЕС в Китае
Гродзенская тытунёвая фабрыка адносіцца да высокарэнтабельных прадпрыемстваў. У 2017 годзе «табачка» стала найбуйнейшым падаткаплацельшчыкам Гродзенскай вобласці. У 2020 годзе фабрыка перавяла у Фонд нацыянальнага развіцця 26,5 млн рублёў - больш за палову свайго прыбытку. Згаданы фонд створаны ўказам прэзідэнта ад 28 снежня 2005 г. № 637 для «рэалізацыі найбольш важных эканамічных і сацыяльных праектаў дзяржавы».
Чытайце таксама: Куда тратят деньги, которые собирает фонд национального развития от сверхрентабельных госпредприятий
З 2018 года адзіным аператарам па продажы тытунёвых вырабаў, у тым ліку і гродзенскай фабрыкі, у Беларусі стала кампанія «Энерга-Оил» бізнэсмэна Аляксея Алексіна. Дазвол на гэта даў Аляксандр Лукашэнка. Кампанія рэалізуе прадукцыю праз сетку шапікаў «Табакерка».
Чытайце таксама:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…