Галерэя «Grishuk Arsenal» адкрылася 18 сакавіка на вул. Маркса, 11. Уладальнік — былы дырэктар Гродзенскага мясакамбіната і ганаровы гараджанін Анатоль Грышук. У экспазіцыі халодная зброя, пудзілы жывёлаў і ўзнагароды. Журналіст Hrodna.life даведаўся, чым цікавы новы гродзенскі музей.
Галерэю размясцілі ў трох пакоях на другім паверсе старой камяніцы. У ёй экспануецца калекцыя халоднай зброі: мячы, шаблі, шпагі, нажы. Таксама прадстаўлены рыцарскія даспехі часоў ВКЛ і Рэчы Паспалітай. Акрамя гэтага, уладальнік галерэі размясціў сямейныя рэліквіі, гадзіннікі, медалі і значкі.
На ўваходзе ў галерэю сустракае манекен рыцара і сімвал Гродна — Алень Святога Губерта.
Асобны стэнд прысвечаны зброі часоў СССР і Вялікай Айчыннай вайны. У трэцім пакоі сабрана экспазіцыя, прысвечаная паляванню і рыбнай лоўлі.
Анатоль Грышук мае вялікую калекцыю ўнікальных вайсковых шабель і клінкоў канца ХІХ — пачатку ХХ стагоддзя. Яго калекцыі можа пазайдросціць нават Гродзенскі гісторыка-археалагічны музей.Гонар калекцыі Грышука — батас, сярэднявечная зброя якутаў. Сябры з Якуціі і падарылі гэты экспанат Анатолю.Прыкладна так апранаўся магістр ордэна масонаў для ўрачыстасцяў на прыканцы ХІХ стагоддзя.Масонкая трохвуголка канца ХІХ стагоддзя.Арыгінальны масонскі медаль, знойдзены ў Гродне. У галерэі лічаць, што ён мог належыць Тызенгаўзу, Жыліберу або каралю Панятоўскаму — камусьці з выразным профілем носа.Экспазіцыя масонскіх клінкоў для ўрачыстасцяў.Арыгінальны нямецкі вайсковы заплечнік канца ХІХ стагоддзя.Выгляд другой залы галерэі.У галерэі ёсць і браня крылатага гусара — эліты кавалерыі войска Рэчы Паспалітай у ХVII стагоддзі. Праўда, гэта рэпліка, а не арыгінал.Ёсць у галерэі і побытавыя рэчы, не звязаныя са зброяй. Напрыклад, жаночая «начная» прыбіральня канца ХІХ стагоддзя, «замаскіраваная» пад невялічкі куфар.Анатоль Грышук — актыўны паляўнік і рыбалоў. Таму ён вырашыў стварыць у галерэі імітацыю асабістага паляўнічага кабінета.Кабінет упрыгожаны статуэткамі на тэму палявання. Некаторым з іх каля 100 год. Гэтым медалём Анатоль таксама вельмі ганарыцца — «Медаль усмешкі» ад ЮНЭСКА за дапамогу дзецям. На ўрачыстым уручэнні ўзнагароды Грышук мусіў выпіць шклянку сока цытрыны і пры гэтым усміхацца.
Галерэя працуе з аўторка па нядзелю з 10:00 па 19:00. Уваход 5 рублёў.
Анатоль Грышук нарадзіўся 6 лістапада 1955 года ў вёсцы Галынка Бераставіцкага раёна. На Гродзенскі мясакамбінат прыйшоў у сярэдзіне 70-х гадоў, затым працаваў у сферы мясамалочнай прамысловасці. На камбінат вярнуўся ў 1989 годзе і з таго часу быў яго нязменным кіраўніком да 2019 года. Анатоль Грышук ажыццявіў многія смелыя ідэі: стварыў агратурыстычны комплекс «Каробчыцы», заснаваў штогадовы пленэр разбяроў, фазанарый у Парэччы і рэалізаваў дзясяткі іншых праектаў. Актыўна захапляўся гандболам, гуляў на пазіцыі брамніка, а апошнія гады актыўна наведваў гандбольныя матчы з удзелам гродзенскіх каманд.
