Вуліцу Астроўскага працягнуць ад прадпрыемства «Гроднахлебпрам» амаль да заапарка. Уздоўж вуліцы пабудуюць жылыя дамы і дзіцячы садок. Будынкі вайсковай і прамысловай зоны паміж вуліцамі Дзяржынскага і Ціміразева знясуць, паведаміў «Вечерний Гродно».

Вуліцу Астроўскага працягнуць да заапарка і забудуюць. Якія планы ў чыноўнікаў?
Тэрыторыя пад забудову. Крыніца: «Вечерний Гродно»

Плошча тэрыторыі пад забудову — амаль 6,6 га. Надзел пачынаецца побач з домам на вуліцы Дзяржынскага, 23а і сканчаецца побач са скрыжываннем вуліц Дзяржынскага і Астроўскага. З іншага боку ўчастак пад забудову працягнецца да тэрыторыі прадпрыемства «Гродгандальмаш».

Вуліцу Астроўскага працягнуць да заапарка і забудуюць. Якія планы ў чыноўнікаў?
Тэрыторыя пад забудову. Крыніца: «Вечерний Гродно»

Што там плануюць пабудаваць

На ўчастку з’явіцца раён шматпавярховікаў вышынёй ад пяці да дзесяці паверхаў. Акрамя гэтага на тэрыторыі можна пабудаваць аб’екты абслугоўвання насельніцтва, напрыклад, гандлёвыя цэнтры. Жылыя дамы, якія зараз знаходзяцца на гэтай тэрыторыі, зносіць не будуць.

Вуліцу Астроўскага працягнуць да заапарка і забудуюць. Якія планы ў чыноўнікаў?
Тэрыторыя пад забудову. Крыніца: «Вечерний Гродно»

Таксама забудоўшчык павінен будзе пабудаваць дзіцячы садок. Дапушчальна, каб ён быў убудавана-прыбудаваны ў жылы дом.

Акрамя гэтага забудоўшчыку варта прадугледзець пляцоўкі для гаспадарчых мэтаў, адпачынку дарослых і дзяцей, а таксама месцы для заняцца спортам. Па магчымасці варта максімальна захаваць зялёныя насаджэнні.

Тэрыторыю прададуць з аўкцыёна

Хто будзе забудоўваць раён, яшчэ не вызначана. Тэрыторыю плануюць прадаць з аўкцыёна, дата якога пакуль невядома. У гарвыканкаме зараз рыхтуюць неабходную дакументацыю. Таксама не вядома, за якую суму надзел хочуць прадаць.

Чытайце таксама:

«У Беларусі спакайней на вуліцах». Якую нерухомасць і чаму купляюць у Гродне замежнікі

На скрыжыванні Горкага і БЛК з’явіцца кафэ альбо рэстаран. Раней там адмовіліся ад будаўніцтва высоткі