"Шлях Тызенгауза". Фота: Hrodna.life
Разметка для веласіпедыстаў на тратуарах будзе абнаўляцца. Работы запланаваны на бліжэйшы час, паведаміў «Гродзенскай праўдзе» начальнік аддзела спорту і турызму Гродзенскага гарвыканкама Яўген Ародзь. Усяго па горадзе пралягае 50 км веласіпедных маршрутаў, частка з іх патрабуе абнаўлення.
У дадзены момант вядуць прафілактыку па добраўпарадкаванні веласіпеднай дарожкі ў Пышках. Дадатковыя работы праводзяцца па прывядзенні ў парадак асобных участкаў веладарожкі «Шляхам Тызенгаўза».
У Правілах дарожнага руху прапісана: «Веласіпедная дарожка — адасобленая дарога або вылучаны канструктыўна або з дапамогай ліній гарызантальнай дарожнай разметкі элемент дарогі, прызначаны для руху ровараў, пазначаны дарожным знакам «Веласіпедная дарожка».
Пры наяўнасці знака «Веласіпедная дарожка» дазваляецца рух толькі на роварах, а пры адсутнасці тратуара або пешаходнай дарожкі - і рух пешаходаў. Пры гэтым пешаходы не павінны ствараць перашкод для веласіпедыстаў. У ніжняй частцы знака можа быць дадаткова нанесены сілуэт пешахода. Калі пешаход парушае ПДР, то яго дзеянні будуць кваліфікаваныя па арт. 18.20 КаАП.
Веласіпедныя дарожкі абсталяваныя ў новых мікрараёнах — яны першапачаткова прадугледжаны праектам. У цэнтральнай частцы горада, па словах Арадзя, з гэтым складаней. Калісьці тратуары не ствараліся з разлікам на веласіпедны рух, яны ўладкоўваліся для пешаходаў.
— Але мы пайшлі насустрач велааматарам і нанеслі разметку для зручнасці. На жаль, культура роварнага руху пакідае жадаць лепшага. Пешаходы ходзяць нават па веладарожцы, не кажучы ўжо аб тых палосах на тратуары, якія адведзены для ровараў. Неаднаразова ў Пышках з дапамогай супрацоўнікаў ДАІ спрабавалі паразуміць пешаходаў, якія ігнаруюць правілы. Не хапае элементарнай павагі адзін да аднаго. І калі яе няма, то ніякія знакі, разметка не выратуюць сітуацыю, — падкрэслівае Яўген.
Для паляпшэння веласіпеднай інфраструктуры ў Гродне панізілі бардзюрны камень і палепшылі якасць пакрыцця на мастах, павялічылі колькасці велапарковак. Гадоў шэсць таму было 40 велапарковак — зараз іх каля 500. Двойчы ў год праблемы веларуху ў горадзе абмяркоўваюцца на каардынацыйным савеце па развіцці веларуху.
Чытайце таксама:
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…