Мясцовы дабрачынны фонд «Наша Карэліччына» пачалі ліквідаваць у Гродзенскім абласным судзе 8 жніўня. Аб выніках пасяджэння пакуль невядома.

UPD 31 жніўня. Мясцовы дабрачынны фонд «Наша Карэліччына» знаходзіцца ў працэсе ліквідацыі. Такое рашэнне прыняў Гродзенскі абласны суд 8 жніўня 2022 года.

Ліквідацыя арганізацыі. Скрыншот з сайта АДР
Ліквідацыя арганізацыі. Скрыншот з сайта АДР

Ісцом у пасяджэнні аб ліквідацыі выступае Карэліцкі райвыканкам. Суддзя Вячаслаў Міхневіч.

Мяркуючы па сайце Адзінага дзяржаўнага рэестра, фонд прапрацаваў восем гадоў. Пакуль яго статус пазначаны як «дзеючы». Даведацца, чым менавіта займаўся фонд і якія ў яго былі праекты, Hrodna.life не ўдалося.

Толькі за апошнія паўгода ў Гродне ліквідавалі:

  • Гродзенскае грамадскае сямейнае аб’яднанне «Парадыгма»,
  • Гродзенскае абласное грамадскае аб’яднанне «Чатыры вятры»,
  • Дзіцяча-юнацкае грамадскае аб’яднанне «Спартыўна-творчая студыя ФАЕР»,
  • Грамадскае аб’яднанне «Байцоўскі клуб «Чорная пазнака»,
  • Абласны Спартыўна-патрыятычны клуб «Гонар Радзімы»,
  • Гродзенскае абласное грамадскае аб’яднанне былых малалетніх вязняў фашысцкіх канцлагераў,
  • «Краязнаўчае таварыства — Коматава»,
  • «Устойлівае развіццё вёскі».

Прычынай ліквідацыі ў большасці выпадкаў сталі парушэнні ў дакументацыі, якія самі старшыні называлі нязначнымі.