Экскурсаводаў і гідаў-перакладчыкаў пачнуць атэстоўваць з 1 студзеня 2023 года. Адпаведную пастанову «Аб экскурсійным абслугоўванні» прыняў Савет міністраў Беларусі.
Атэстацыю будуць праводзіць для праверкі ведаў і ўмення прымяняць іх падчас экскурсіі. Для правядзення атэстацыі будуць ствараць атэстацыйную камісію.
Атэстацыю будуць праводзіць у форме іспыта праз камп’ютарнае тэставанне і вусную размову. Каб здаць іспыт на камп’ютары, трэба будзе адказаць правільна мінімум на 60% пытанняў. Вынікі гэтага іспыта будуць дзейсныя на працягу двух гадоў.
Тых, хто прайшоў іспыт на камп’ютары, дапусцяць да вуснага іспыта. Падчас яго трэба прадаставіць камісіі тэксты і тэхналагічныя карты экскурсій па заяўленых тэмах. Іспыт залічаць, калі чалавек ведае методыку і тэхніку правядзення экскурсій, а яго тэксты і тэхналагічныя карты экскурсій актуальныя.
Пасля здачы атэстацыі экскурсаводу выдадуць пасведчанне, пералік тэмаў экскурсій і бэйдж. Тэрмін дзеяння гэтых дакументаў - пяць гадоў.
Атэстацыя аўдыягідаў будзе адбывацца ў Міністэрстве спорта і турызма альбо ўпаўнаважаных ім дзяржарганізацыях. Там будуць ацэньваць галасавое суправаджэнне тэкста аўдыягіда, сам тэкст, афармленне схемы маршрута, а таксама фота і відэа, калі такія прадугледжаны.
Чытайце таксама: Без аттестации нельзя будет проводить экскурсию даже для друзей: депутаты приняли новый закон «О туризме»
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…