Будынкі якія плануюць прадаць з аўкцыёна. Крыніца: gcn.by
Два будынкі былой вайсковай часткі на Фолюшы плануюць прадаць за дзве базавыя велічыні (64 рублі). Аўкцыён адбудзецца 25 лістапада 2022 года. Адпаведную інфармацыю апублікавалі на сайце Гродзенскага цэнтра нерухомасці.
Двухпавярховыя будынкі размяшчаюцца на вуліцы Яснапольскай 12 Г і 12Г/1. Іх пабудавалі ў 1953 годзе. Раней там размяшчаліся штабы. Агульная плошча пабудовы на вуліцы Яснапольскай, 12 Г — 1288,4 кв.м, на Яснапольскай 12Г/1 - 1324,5 кв.м. Сцены будынкаў цагляныя, дах шыферны. Падлога бетонная і драўляная.
У аб’ектаў ёсць цэнтральнае ацяпленне на газе, электразабеспячэнне, вентыляцыя, водазабеспячэнне, каналізацыя. Але ўсе сістэмы ў няспраўным стане і нефункцыянуюць.
Пераможца аўкцыёну атрымае права арэнды ўчастка на 10 гадоў. Паводле ўмоваў аўкцыёна будынак трэба рэканструяваць. Пачаць прадпрымальніцкую дзейнасць уладальнік павінен будзе не пазней чым праз тры месяцы з моманту ўвода будынка ў эксплуатацыю.
Права арэнды былых вайсковых складоў на Фолюшы таксама плануюць прадаць з аўкцыёна. Пад склады альбо вытворчасць прапануюць тры пабудовы: вул. Фолюш 15/2, вул. Фолюш 15/208 і вул. Фолюш 15/27.
Дата аўкцыёна і пачатковая цана пакуль невядомыя.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…