Новости

Гродзенская вобласць на другім месцы па колькасці пустых будынкаў. Чыноўнікі прызналіся, чаму

Гродзенская вобласць займае другое месца ў Беларусі па колькасці пустых будынкаў - невыкарыстанай дзяржаўнай маёмасці, прызналі чыноўнікі на пасяджэнні калегіі Камітэта дзяржкантролю Гродзенскай вобласці. Планы ставяць, але яны не рэалізуюцца: у 2022 годзе ў гаспадарчы абарот збіраліся ўцягнуць 329 невыкарыстаных і неэфектыўна выкарыстаных аб’ектаў, але змаглі дамагчыся выкарыстання толькі 118 такіх аб’ектаў.

Што гэта за будынкі

У асноўным гэта аб’екты сацыяльнай сферы. Праз дэмаграфічную сітуацыю па ўсёй вобласці ёсць шмат закрытых аб’ектаў сацыяльнай інфраструктуры — школы, клубы, бібліятэкі, аб’екты сельскай гаспадаркі, прыводзіць «Гродзенская праўда» словы намесніцы старшыні камітэта Таццяны Слабыш. Звычайна гэта вялікія будынкі, якім цяжка знайсці новае прымяненне.

У 2023 годзе ў самім Гродне да продажу падрыхтавалі 51 такі аб’ект. Гэта будынкі, комплексы будынкаў і ізаляваныя памяшканні, якія належаць розным дзяржаўным органам і арганізацыям.

Чыноўнікаў асабліва турбуе, што не ўцягнутыя ў абарот будынкі са статусам гісторыка-культурнай каштоўнасці ў гістарычным цэнтры Гродна.

Сярод такіх — будынак былога Дома афіцэраў па вуліцы Ажэшкі, 30, які быў выстаўлены на продаж яшчэ ў 2015 годзе. Апошні аўкцыён прайшоў у лютым 2022 года, кошт знізілі ўжо на 90%, але будынак ніхто не купіў. Хвалюе чыноўнікаў і былы інтэрнат па вуліцы Замкавая, 5. Гэта будынак XVIII стагоддзя. На апошнім аўкцыёне ў сакавіку гэтага года яго цана была зніжана на 30%. Пакупнік не знайшоўся.

Прычыны няўдач

Ёсць некалькі прычын малога ўключэння пустых будынкаў у гаспадарчы абарот, прызнала начальніца аддзела дзяржаўнай уласнасці і выкарыстання зямель Іна Лабоцкая. Сярод іх:

  • павольныя тэмпы падрыхтоўкі дакументацыі па аб’ектах для выстаўлення на аўкцыён;
  • асноўная маса аб’ектаў - у сельскіх населеных пунктах і лагістычна непрывабныя;
  • няправільна падабраны спосаб уключэння аб’екта ў гаспадарчы абарот.

Чытайце таксама: В Порозово за $ 10 тысяч продают старинную усадьбу. Там точно стоит побывать

Да прыкладу, будынкі былога ваеннага гарадка на Фолюшы размешчаны ў лясным масіве, на значным выдаленні ад горада, пад’язныя дарогі - у аварыйным стане. Іх прапаноўвалі да здачы ў арэнду. Яшчэ летась былыя штабы ў гэтым ваенным гарадку прадавалі менш, чым за 100 рублёў. На месцы закінутага ваеннага гарадка будуць будаваць новы раён, але некаторыя будынкі вырашылі не зносіць і даць ім новае жыццё. Цяпер дзевяць з іх — у спісе гарвыканкама для продажу ў 2023 годзе.

Пры гэтым у шэрагу выпадкаў для арганізацый знос або рэканструкцыя такіх аб’ектаў менш выгадная, чым будаўніцтва новага. У 2022 годзе ў рэгіёне прапаноўваліся да продажу 132 такіх аб’екты, што складае 42% ад іх агульнай колькасці, адзначыла Лабоцкая.

Грошы ўсё роўна недаатрымліваюць

Нават тыя пустыя будынкі, якія ўдалося знайсци гаспадароў, не заўсёды прыносяць грошы. Арэндную плату за дзяржаўную маёмасці не заўжды своечасова пералічваюць у бюджэт. У 2022 годзе і з пачатку 2023 года больш за 50 чалавек прыцягнулі за гэта да адміністрацыйнай адказнасці.

Ёсць парушэнні пры спісанні дзяржаўнай маёмасці. Аб’екты спісваюць без узгаднення з мясцовымі выканаўчымі і распарадчымі органамі. Таксама спісваюць аб’екты з рэшткавым коштам без патрэбнага для гэтага заключэння спецыялізаванай арганізацыі.

Чытайце таксама: В 2023 власти Гродно выставят на аукцион 45 пустующих объектов. Какие дома и помещения можно будет купить?

Падзяліцца

Апошнія запісы

Супраць гродзенскага актывіста пачалі спецвытворчасць. У чым яго абвінавачваюць?

Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…

3 мая 2024

Цана сэрвіснага збору ў візавых цэнтрах Гродзенскай вобласці вырасла. Колькі зараз трэба заплаціць?

Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…

3 мая 2024

У Гродзенскай вобласці - найхутчэйшы рост цэн на прадукты. Што стала есці даражэй?

Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…

2 мая 2024

Школьнікі з Гродна наведалі ізалятар і стрым з вязнем гродзенскай турмы

Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…

2 мая 2024

У цэнтры Гродна заканчваюць будаваць буйны офіс для айцішнікаў

У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…

2 мая 2024

ІП везла праз мяжу б/у рэчы для дабрачыннай арганізацыі - вось за што яе аштрафавалі

Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…

1 мая 2024