Пагоня. Фота: "Яндекс"
Міліцыя затрымала гродзенца з татуіроўкамі «Пагоня» і ACAB. Хлопца будуць судзіць за распаўсюд экстрэмісцкай сімволікі — ён паказаў татуіроўку ў сацсетках. Яго затрымліваюць не першы раз.
Хлопца затрымалі ў яго дома за распаўсюд экстрэмісцкай сімволікі ў сацсетках. Мяркуючы па яго аповядзе ў відэа, гэтай сімволікай палічылі адну з яго татуіровак. Ён паабяцаў звесці тату. На відэа з затрыманнем ён быў у фанацкай майцы хакейнай каманды «Нёман».
Гродзенца ўжо прыцягвалі ў адказнасці за распаўсюд «экстрэмісцкай сімволікі» ВКонтакте ў 2022 годзе.
Хлопец распавёў, што яго прыцягвалі да адміністрацыйнай адказнасці і за распіццё спіртных напояў і з’яўленне ў нецвярозым выглядзе ў грамадскім месцы.
A.C.A.B. — абрэвіятура, азначае «All Cops Are Bastards» («Усе копы — ублюдкі»). Яе папулярызавалі брытанскія музыкі яшчэ ў 70-х, выкарыстоўвалі падчас забастовак. Яе наносяць у выглядзе татуіровак або графіці як знак барацьбы з паліцэйскай або міліцэйскай жорсткасцю. Як правіла, татуіроўка або прынт выклікае ўвагу сілавікоў. Некаторыя яе формы трапілі ў Рэспубліканскі спіс экстрэмісцкіх матэрыялаў.
«Пагоня» — герб Вялікага Княства Літоўскага і сучаснай Літоўскай Рэспублікі. Быў гербам Беларусі з 1991 па 1995 год, Беларускай Народнай Рэспублікі ў 1918 годзе, да гэтага часу выкарыстоўваецца ў гербах Віцебскай і Гомельскай абласцей і гербах шэрагу беларускіх гарадоў. У Беларусі мае статус нематэрыяльнай гісторыка-культурнай каштоўнасці. З 1995 года выкарыстоўваецца беларускай апазіцыяй і нацыянальна-арыентаванай часткай грамадства разам з бел-чырвона-белым сцягам як сімвал пратэсту. У тым ліку з’яўляўся падчас пратэстаў 2020 года. За выкарыстанне герба часта штрафавалі і арыштоўвалі. На верасень 2023 года «Пагоня» не прызнаная экстрэмісцкай сімволікай.
Чытайце таксама:
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…