У мікрараёне Альшанка плануюць пабудаваць аб’ект фізкультурна-аздараўляльнага або спартыўнага прызначэння. Участак пад будаўніцтва паспрабуюць прадаць на аўкцыёне 26 сакавіка 2024 года. Адпаведную інфармацыю апублікавалі на сайце Гродзенскага цэнтра нерухомасці.
![У адным з мікрараёнаў Гродна хочуць пабудаваць фізкультурна-аздараўляльны аб’ект](https://dzh7f5h27xx9q.cloudfront.net/wp-content/uploads/2024/02/foto-oginskogo_result-800x600.webp)
Участак плошчай амаль 0,43 га размяшчаецца на вуліцы Агінскага, 47, побач з дамамі № 49 і № 43. Яго пачатковая цана — 57,2 тыс. рублёў ($ 17,6 тыс.). Прадаюць права арэнды ўчастка на 50 гадоў.
На ўчастку можна будзе пабудаваць фізкультурна-аздараўляльны або спартыўны аб’ект. Будынак можа мець два або тры паверхі, яго вышыня павінна быць не вышэй за 18 метраў.
Чытайце таксама: Стала вядома, што будзе ў Палацы тэкстыльшчыкаў, які стаіць пусты ўжо пяць гадоў