Баржу «Галера», якая была прышвартавана да левага берага Нёмана, адбуксіравалі ў бяспечнае месца. Яе ўладальніка яшчэ летась прыцягнулі да адміністрацыйнай адказнасці за тое, што ён не выканаў патрабаванні інспекцыі рачнога суднаходства і не адбуксіраваў баржу, паведаміла пракуратура Гродзенскай вобласці.
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-4-800x535.webp)
На баржы «Галера» у сярэдзіне 2000-х гадоў размяшчаўся рэстаран на вадзе. У 2011 годзе рэстаран закрылі, а судна заставалася прышвартаваным да левага берагу Нёмана ў цэнтры Гродна.
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-8-800x260.webp)
Пазней уладальнік судна адбуксіраваў яго да прычала на вуліцы Партовай у Гродне. Там яно было прышвартавана больш за пяць гадоў. Але знаходжанне баржы ў гэтым месцы забаронена, бо месца не прызначана для стаянкі судоў. Побач знаходзіцца аўтадарожны мост, таксама швартоўку забараняюць знакі.
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-5-800x535.webp)
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-6-800x535.webp)
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-2-800x535.webp)
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/Barzha-Galera-3-800x535.webp)
![Былы рэстаран “Галера” на Нёмане адбуксіравалі з цэнтра Гродна](https://dzh7f5h27xx9q.cloudfront.net/wp-content/uploads/2024/04/5.jpg)
Уладальніку выносілі папярэджанні
Намеснік пракурора Гродзенскай вобласці папярэджваў уладальніка судна пра недапушчальнасць парушэння Правілаў плавання па ўнутраных водных шляхах Беларусі. У лістападзе 2022 года спецыялісты Беларускай інспекцыі рачнога суднаходства прадпісалі адбуксіраваць баржу да 1 траўня 2023 года. Але з-за таго, што прадпісанне не выканалі, уладальніка судна прыцягнулі да адміністрацыйнай адказнасці.
У выніку «Галеру» у красавіку 2024 года адбуксіравалі ў бяспечнае для суднаходства месца.
Чытайце таксама: Па Нёмане з «Вольгай Соламавай». Як вінтажны цеплаход катаў гродзенцаў на дачы, у Друскенікі і проста па рацэ