Расіянін ехаў у цягніку праз беларускую станцыю Гудагай Астравецкага раёна. Верагодна, падчас мытнага агляду на выездзе з краіны каля 00.30 у яго ў тэлефоне знайшлі экстрэмісцкія спасылкі ў Telegram. Мужчыне давялося затрымацца ў Беларусі - яго змясцілі ў ізалятар.
Мужчына — начальнік змены акцыянернага таварыства і бацька двух непаўналетніх дзяцей. Верагодна, ён ехаў цягніком «Адлер-Калінінград». У яго тэлефоне знайшлі падпіскі на «Полк Каліноўскага», «Nexta — Live» і «Радыё Свабода», прызнаныя экстрэмісцкімі матэрыяламі.
Справу паводле арт. 19.11 КаАП разглядалі 11 красавіка 2024 у судзе Астравецкага раёна. Мужчына прызнаў віну. Яго пастанавілі арыштаваць на трое сутак з канфіскацыяй мабільнай прылады. Менавіта столькі чалавека звычайна ўтрымліваюць у ІЧУ да суда.
Чытайце таксама: У Гродне мужчына прынёс кветкі і фота Навальнага да консульства РФ. Яго судзілі
