За верасень 2023 года ў грамадскім транспарце Гродна кантралёры затрымалі 1350 безбілетнікаў. Каб пасажыры плацілі за праезд, трэба ўводзіць больш зручныя формы аплаты, у тым ліку з дапамогай банкаўскіх карт, лічыць кіраўнік гарадскога Аператара пасажырскіх перавозак Вадзім Матусевіч.
Зараз аплаціць праезд з дапамогай QR-кода можна ў аўтобусах і тралейбусах. У перспектыве такую аплату плануюць ўвесці і ў маршрутках.
Сярод маршрутчыкаў зараз адбывацца конкурс на абслугоўванне гарадскіх маршрутаў. Пры ацэнцы прапановаў ад перавозчыкаў гэтым разам упершыню ўвялі дадатковыя балы, калі яны падключаць сістэмы для аплаты праезда па мабільным тэлефоне.
Упершыню такая магчымасць з’явілася ў маршрутцы № 7 «Каўбасіно — вуліца Макаравай» у снежні 2021 года.
Ва ўсім гарадскім транспарце плануюць увесці электронную форму аплаты праезда. Для гэтага трэба ўсталяваць валідатары. Пасажыру будзе дастаткова дакрануцца да валідатара сваёй банкаўскай карткай альбо смартфонам з актыўным дадаткам — аплату здымуць аўтаматычна.
Але паколькі ўсталёўка валідатараў дарагая, гэтае пытанне разглядаюць у перспектыве.
«Пакуль ёсць такое паняцце, як безліміт. Набылі праяздны на месяц на аўтобус і тралейбус - і ездзіце, колькі захочаце, — сказаў Матусевіч. — У паездках вас ніхто не абмяжоўвае і каштуе яно менш, чым карыстацца разавымі талонамі. Гэта аптымальны варыянт і для тых, хто часта ездзіць з перасадкамі».
«Прычыны, чаму не аплацілі праезд, розныя: у адных — праблемы з фінансамі, іншыя — злосныя парушальнікі і не плацяць з прынцыпу. А некаторыя думаюць, што іх пранясе. І нашая задача ў першую чаргу — выяўляць менавіта такіх пасажыраў», — лічыць Матусевіч.
Аператар пасажырскіх перавозак Гродна працуе са студзеня 2023 года. У штаце 32 супрацоўнікі, з іх 23 — кантрольна-рэвізорская служба. Яна не толькі правярае наяўнасць квіткоў і праяздных у пасажыраў, але і апрацоўвае пастановы, пратаколы і супрацоўнічае з органамі прымусовага выканання.
Чытайце таксама: Сервис оплаты проезда TIX прекращает работу
Штучныя кветкі на магілах доўга раскладаюцца і вылучаюць таксіны. Іх лепш замяніць жывымі кветкамі. Яйкі…
Музыкі гурта Irdorath Уладзімір і Надзея Калач далі першае інтэрв'ю пасля свайго вызвалення вясной 2023…
Гістарычны канал Hrodna 11:27 працягвае публікаваць кароткія фрагменты з жыцця Гродна ў 1924 годзе. Нататкі ўзятыя з…
Жонка палітэмігранта Алена эканоміла на манікюры і ездзіла зайцам, каб купіць кватэру - і прадала…
Hrodna.life сабраў у адным месцы некалькі лакальных дызайнераў, у якіх можна абнавіць гардэроб гэтай вясной.…
Как покрасить яйца необычно? Из фиолетовой капусты можно получить изумрудный цвет, из вина получаются яйца,…