Каля трох тысяч чалавек наведала гродзенскі рок-байк-фэст “Хавайся ў бульбу”. Паказаць сваіх жалезных коней і паслухаць добрую рок-музыку з’ехаліся байкеры з усёй Беларусі і суседніх краін. Узровень запрошаных гуртоў сёлета прыемна здзівіў.
Пасля выбуху ў Мінскім метро пачасціліся тэлефанаванні ў Гродзенскую абласную станцыю пералівання крыві. Гарадзенцы прапаноўвалі здаць сваю кроў для ахвяр тэракту.
На пазнейшы тэрмін перанесены ўсе п’есы і фільмы з забаўляльным сюжэтам.
Гродзенская крытычная маса адкрыла чарговы веласезон. Каб атрымаць дазвол на яе правядзенне, арганізатарам давялося пагрукацца ў шмат кабінетаў. Першы сёлетні велапраезд сабраў каля 60 раварыстаў.
Урачыстае святкаванне юбілею польскага кампазітара Фрэдэрыка Шапэна ў Гродна распачалося фартэпіянным конкурсам. Традыцыйную музычную падзею ладзіць «Польска Мацеж школьна» ўжо пяты раз пры падтрымцы аддзелу культуры аблвыканкама і польскага консульства. Конкурс ладзіцца раз на тры гады, пачынаючы з 1999 года.
