У Беларусі ўводзяцца новыя ліміты на пасылкі з замежных інтэрнэт-магазінаў. У хуткім часе беларусы змогуць бяспошлінна атрымліваць з-за мяжы пасылкі для асабістага карыстання на суму не больш за 22 еўра ў месяц і вагой не больш за 10 кілаграм. Адпаведныя змены прапісаны ва ўказе прэзідэнта №40 ад 11 лютага, паведамляецца на Нацыянальным прававым інтэрнэт-партале.
10 лютага Гарадзенская мытня адзначыла свой 71-ы дзень нараджэння. Сёлета святкаванне не юбілейнае і прашло “ў працоўным парадку”. Тым больш, што будні мытнікаў таксама часам прыносяць нечаканыя вынікі.
Каля 490 млрд рублёў уклала гродзенскае ААТ “Малочны свет” у будаўніцтва новага сырнага цэха, паведаміла генеральны дырэктар кампаніі Марына Анікеева. Тут будзе выпускацца каля 30 гатункаў сыру, у тым ліку халяльная і кашэрная прадукцыя.
Калі без падрыхтоўкі адкрыць малы прыгранічны рух (МПР) з Польшчай – будзе катастрофа, граніцу проста паралізуе. Так лічыць старшыня Дзяржпагранкамітэта Беларусі Леанід Мальцаў.
У дзіцячым садку №45 у Гродне ўсталююць сучасныя шклопакеты, уцепляць сцены, заменяць электраправодку і асвятленне, а на даху ўсталююць сонечны калектар. Каля 9 млрд рублёў будзе каштаваць увядзенне гэтай сістэмы энергаэфектыўнасці, якое адбудзецца ў межах праекта Праграмы развіцця ААН у Беларусі, піша Белта.
Прозвішчы чыноўнікаў трапляюць у загалоўкі гарадзенскіх навін нярэдка. Наколькі ўважліва вы за імі сочыце? Прапануем тэст, у якім можна пераўвасобіцца ў старшыню гродзенскага гарвыканкама ды ўзгадаць розныя моманты з гарадзенскага этапу яго чыноўнічай кар’еры. Пра іншых чыноўнікаў мы таксама створым асобныя тэсты.
Некалькі сотняў ІП сустрэліся са старшынёй гродзенскага гарвыканкама і гарадскім кіраўніцтвам. Прадпрымальнікі хочуць адмены ўказа №222, але на мясцовым узроўні ім дапамагчы не могуць. Гандляваць беларускім таварам дробныя бізнесоўцы не бачаць сэнсу.
Сацыяльны канфлікт выспявае вакол трох шматкватэрных дамоў у мікрараёне Альшанка. Гэта будынкі па вуліцы Агінскага, 21, 27 і 29. У нядзелю прайшоў сход жыхароў дому №27, якія ад жніўня не могуць заехаць у абяцаныя ім кватэры.
З новага года мастоўскія школьнікі трапляюць у навучальную ўстанову праз электронную прахадную, а ў Гродне ўсё яшчэ шукаюць грошы, каб выпрабаваць такую сістэму.
З красавіка ў Беларусі можна будзе атрымаць пакаранне за нелегальны кантэнт на камп’ютары або мабільнай прыладзе. “Твой стыль” успомніў, за якія дзеянні ў інтэрнэце ўжо сёння можна атрымаць ад беларускага суда пакаранне, часам зусім не малое.
