Аператар МТС цалкам абновіць і перавядзе на абсталяванне кампаніі Huawei базавыя станцыі 3G і 2G у сваёй сеткі на тэрыторыі Брэсцкай, Віцебскай, Гомельскай, Гродзенскай і Магілёўскай абласцей. Пасля завяршэння запланаваных работ абаненты МТС змогуць карыстацца 3G практычна ў любым пункце Беларусі, паведамляе прэс-служба кампаніі.
“У 1991 годзе тут стаяў стол, да якога пад’язджалі машыны, а са сродкаў сувязі з “вялікай зямлёй” быў толькі тэлефон-аўтамат”, – старшыня Дзяржаўнага мытнага камітэту прапануе журналістам адчуць розніцу. Напярэдадні 25-годдзя беларускай мытні прэсу запрасілі ў адзін з самых сучасных і загружаных пунктаў пропуску “Брузгі”, што непадалёк ад Гродна на беларуска-польскай мяжы. Прычым журналістам прапанавалі пабываць у ролі тых, хто стаіць на варце эканамічнай бяспекі краіны. БелТА даведалася, колькі дзіцячых гарнітурчыкаў змяшчаецца ў кола, навошта ва ўпакоўку пральнага парашка засунулі новенькія мабільныя тэлефоны, і пераканалася, што ад усёвідушчага вока аўтамабільнага рэнтгена схаваць магчыма хіба што шпільку.
Каб аддзячыць гарадзенцам, якія пісалі спартсмену на працягу ўсёй Алімпіяды, Іван Ціхан вырашыў 12 верасня правесці аўтограф сесію ў галоўным аддзяленні пошты ў Гродне. Там жа прызёр Алімпіяды і пачаў чытаць лісты падтрымкі.
Любы горад робіцца блізкім, калі пачнеш раптам заўважаць у ім нешта знаёмае. То прамільгне у натоўпе твар, падобны да “хатняга” сябра, то за паваротам адкрыецца пейзаж, нібыта бачаны дома. За гадзіну шпацыру па Гомелі колькі разоў мільгала думка, што я пазіраю на горад “гарадзенскімі” вачамі. У Гомелі ёсць месцы, што прызнаюцца за свае, дзе гарадзенцы запраста могуць адчуць сябе “як дома”.
Тэмпературны рэкорд дня 33-гадовай даўніны пабіты ў Мінску, Віцебску, Гомелі і Брэсце 12 верасня. У Гродне паўтарыўся максімум 2005 года – 26,5 градусаў, паведамляе БелаПАН.
Першыя заняткі ў Стартап-школах Брэста і Гродна прайшлі 9 верасня. Удзельнікі распавялі аб лакальных праблемах і прапанавалі свае бізнес-ідэі для іх вырашэння, піша bdg.by.
Ініцыятыва “Голас студэнтаў” адсочвала прымус да датэрміновага і не толькі галасавання. Гарадзенцы паведамілі толькі пра адно парушэнне іх правоў. Але гэта не значыць, што ціску на студэнтаў у гарадзенскіх ВНУ не было.
Пра стварэнне музея каталіцкай дыяцэзіі ў драўляным лямусе на тэрыторыі былога брыгіцкага манастыра гаварылі яшчэ тры гады таму. Унікальны помнік шмат год стаяў закінуты і знішчаўся. Толькі цяпер размовы робяцца больш рэалістычнымі. Ужо ў кастрычнiку спецыялісты, у тым ліку запрошаныя адмыслоўцы з Польшчы, маюць пачаць працы па рэстаўрацыі ўнікальнага будынка XVIIІ стагоддзя.
Даведацца, як у мясцовых супольнасцях рэалізоўваць грамадскія, сацыяльныя і культурныя праекты, ды як прасоўваць іх праз сацыяльныя медыі, можна будзе на адукацыйным каворкінг праекце “BrainHUB”, які пройдзе 8-9 кастрычніка ў Гародні.
Музычны тэатр “Рада” 3 верасня выступіў на фестывалі “Fest in den Hof” (Вечарынка ў двары) ў бельгійскім курортным горадзе Остэндэ на беразе Паўночнага мора. Гарадзенскія танцоры ўпершыню выбраліся на такія далёкія гастролі і былі адзінымі прадстаўнікамі Беларусі на імпрэзе. Дапамогу ў арганізацыі паездкі аказалі старшыня гарвыканкама Мечыслаў Гой і валейбольны клуб “Камунальнік”.
