Міністэрства культуры і ўпраўленне архітэктуры і горадабудаўніцтва гарвыканкама далі станоўчы адказ лютэранам Гродна наконт усталёўкі сонечных батарэй на даху аднапавярховай прыбудовы да будынка кірхі.
Праверка сістэмы апавяшчэння насельніцтва пройдзе на Гарадзеншчыне 28 верасня. Гэта неабходна, каб пераканацца ў тэхнічнай працаздольнасці сістэмы на выпадак рэальных надзвычайных сітуацый або стыхійных бедстваў.
Хто яны – гарадзенскія птушкі? Дзе іх шукаць? Што патрэбна, каб іх пабачыць, пачуць, пазнаць? Якіх птушак можна паказаць дзецям у ваколіцах Горадні? На гэтыя і іншыя вашыя пытанні адкажа беларускамоўны спецыяліст: пра альтэрнатыўны спосаб баўлення часу на прыродзе распавядзе Дзьмітры Вінчэўскі – арнітолаг, бёдвотчар, актывіст Гарадзенскага аддзялення ГА “Ахова птушак Бацькаўшчыны” і рэдактар сайту “Птушкі штодня” www.birdwatch.by.
У нядзелю, 25 верасня, у гарадзенскім заапарку адзначылі 89 гадоў з дня заснавання. Самы стары звярынец Беларусі падрыхтаваў для сваіх наведвальнікаў гульні, конкурсы і забавы, а для насельнікаў – агароднінавы торт.
У нядзелю, 25 верасня, у 19.40 на кальцы каля абласной філармоніі ў Гродне з-за непрацоўнага святлафора, а таксама не ўважлівасці кіроўцы Volkswagen T4, адбылося ДТЗ, у якім быў пашкоджаны аўтамабіль Renault.
У Маладзечне 25 верасня гродзенскі “Нёман” правёў чарговы тур чэмпіянату Беларусі, дзе сустракаўся з “Іслаччу”. Матч скончыўся з нулямі на табло.
Неўзабаве могуць з’явіцца новыя пункты пропуску на польска-беларускай мяжы. Патрэбу іх стварэння абазначыла польска-беларуская камісія па справах рэгіянальнага супрацоўніцтва на паседжанні ў Белавежы, піша dziendobry.bialystok.pl.
Прагнозы Джона Зогбі (John Zogby) па прэзідэнцкіх выбарах былі самымі дакладнымі напрацягу апошніх пяці кампаній. Ён аўтар прызнанай у свеце інтэрактыўнай методыкі правядзення перадвыбарных апытанак, яго кнігі аб палітычных зменах у Амерыцы і ўплыве на іх новага пакалення сталі бэстсэлерамі. У 1996 годзе ён прадказаў вынікі выбараў з дакладнасцю да знака пасля коскі. Пра тое, чым скончацца сёлетнія выбары, ён кажа: “Я не ведаю”. Амерыка, на яго думку, змяняцца так дынамічна, што рабіць прагнозы становіцца няўдзячнай справай.
Традыцыйны велапрабег, прымеркаваны да Дня без аўтамабіля, прайшоў у Гродне 24 верасня. У ім прыняло ўдзел каля 300 аматараў двухколавага транспарту, ад дзяцей да пенсіянераў.
Ацаніць дасягненні сярэдніх спецыяльных установаў вобласці змаглі жыхары Гродна на адмысловай выстаўцы-кірмашы. Металавырабы ды светлавыя абсталяванні, падзелкі са старых СD і нават велагенератар усё адно не пераўзыходзяць сельскагаспадарчыя поспехі студэнтаў.
