Абмяркоўваецца пытанне зрушэння тэрмінаў уступнай кампаніі. Пра гэта ў інтэрв'ю тэлеканалу «Беларусь 1» паведаміў міністр адукацыі Ігар Карпенка, паведамляе БЕЛТА.
«У тым ліку абмяркоўваем пытанне пры неабходнасці магчымага зрушэння тэрмінаў правядзення ўступнай кампаніі. Але, ва ўсякім выпадку, пакуль будзем назіраць за той сітуацыяй, якая разгортваецца», — сказаў міністр.
Паводле яго слоў, у Міністэрстве маюць намер збіраць у аўдыторыях менш людзей. «Узмоцнім санітарную апрацоўку памяшканняў. Запускаем электронную рэгістрацыю. Гэта спросціць сітуацыю: не трэба будзе некалькі разоў хадзіць пры запісе на ЦТ», — дадаў Ігар Карпенка.
24 красавіка міністр адукацыі Ігар Карпенка казаў падчас сустрэчы з калектывам гімназіі № 10 Гродна, што ніякіх зменаў ва ўступнай кампаніі ў гэтым годзе не плануецца.
«Мы паглядзім, як будзе развівацца сітуацыя і прымем узважанае рашэнне. Але адразу можна сказаць, што выпускнікам не трэба турбавацца: ніякіх зменаў па форме правядзення ўступнай кампаніі не будзе. А як яе засцерагчы, стварыць аптымальныя ўмовы — гэтае пытанне цяпер прапрацоўваецца», — сказаў Ігар Карпенка.
Паводле яго слоў, на гэтую тэму ў Інтэрнэце і СМІ з’яўляецца шмат укідаў. «Пішуць: давайце памяняем форму ўступных выпрабаванняў, Давайце наогул іх адменім і па конкурсе атэстатаў правядзем і гэтак далей. Напэўна, гэта будзе няправільна і створыць няроўныя ўмовы», — адзначыў міністр.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…