У Каложскім парку абмежавалі хуткасць аўтамабіляў да 30 км/ч Дарогу да моста ў бок Вялікай Траецкай афіцыйна зрабілі пешаходнай.
Знакі «30 км/ч» усталявалі на з’ездах з міні-кальца: у бок Каложы і па вуліцы Палявой, паведаміла АвтоГродно гарадская актывістка Юлія Каляда. На дарозе ў бок пешаходнага моста (вуліца Каложа) рух на аўтамабілях забаранілі цалкам, усталяваўшы знак «Пешаходная дарожка».
Раней Юлія Каляда звяртала ўвагу, што ў Каложскім парку ёсць дзве аўтадарогі без абмежаванняў хуткасці, хоць гэта месца адпачынку гараджан. Пры гэтым па законе веласіпедыстам у парку можна ездзіць толькі па ходніку, там, дзе шпацыруюць людзі, бегаюць дзеці.
«Аднойчы праекціроўшчыкі дапусцілі памылку, зрабіўшы паркоўку ў глыбіні парку, а не ў пачатку. Сёння робіць памылку ДАІ, не абмежаваўшы хуткасць і праезд, — пісала Юлія ў траўні. — На ўездзе, праўда, вісіць непрыкметна „цэгла“. Але незразумела, каму і куды яна забараняе ехаць. Усе ездзяць. А калі хтосьці і вырашыў бы паслухацца і пакінуць машыну, то зрабіць гэта няма дзе».
