Ілюстрацыйнае фота
У Гродзенскай гарадской жыллёва-камунальнай гаспадарцы шукалі выканаўцаў работ па акарыцыднай апрацоўцы зон адпачынку. Двойчы працэдура дзяржзакупкі не адбылася — прапаноў не паступіла. Пазней пераможцам прызналі Гродзенскі занальны цэнтр гігіены і эпідэміялогіі.
Апрацаваць трэба тэрыторыю ў 774 700 кв. м. метадам абкурвання (фумігацыі). Апрацоўку правядуць адзін раз у траўні. Усяго апрацуюць 11 зон: урочышча «Пышкі», лесапарк «Румлёва», урочышча «Ласосна», лясныя масівы на вул. Томіна, вул. Кабяка і вул. Волкава, Каложскі парк, зона адпачынку ў Альшанцы, возера Юбілейнае і парк Жылібера.
Працэдуру закупкі правялі двойчы. Пасля першай няўдалай закупкі кошт паднялі з 16 000 да 17 800 рублёў. Іх возьмуць з бюджэтных сродкаў. Абедзве працэдуры не адбыліся — прапаноў не паступала.
Дамову ўжо заключылі з Гродзенскім занальным цэнтрам гігіены і эпідэміялогіі (ГЗЦГЭ), правёўшы закупку з адной крыніцы (від працэдуры дзяржаўнай закупкі, пры якой заказчык прапануе заключыць дагавор толькі аднаму патэнцыйнаму выканаўцу), распавялі 7 траўня ў ЖКГ Hrodna.life. Пра гэта размесцяць даведку на наступным тыдні. Апрацоўку правядуць у траўні - дакладныя даты будуць вядомыя пазней. У мінулыя гады зоны адпачынку таксама апрацоўваў ГЗЦГЭ.
Для абуджэння іксодавых кляшчоў дастаткова, каб слупок тэрмометра паказваў + 5 °C, паведамляе ГЗЦГЭ. У 2021 годзе першых іксодавых кляшчоў у лясных масівах Гродна і раёна выявілі ў першай дэкадзе сакавіка. Для параўнання, у 2020 годзе — у першай дэкадзе лютага. Самая высокая актыўнасць кляшчоў - сярэдзіна траўня і чэрвень. Пазней яна зніжаецца.
Іксодавыя кляшчы — захавальнікі ўзбуджальнікаў клешчавых інфекцый і іх пераносчыкі: клешчавога энцэфаліту, хваробы Лайма, чалавечага гранулацытарнага эрліхіёзу і чалавечага монацытарнага эрліхіёзу. Заразіцца можна пры прысмоктванні інфікаванага кляшча, раздушванні або расчэсванні месца прысмоктвання.
ГЗЦГЭ можа праводзіць акарыцыдную апрацоўку па дамове на лецішчах і ў садаводчых кааператывах.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…