У канцы жніўня ў аграгарадку Малая Бераставіца зафіксавалі гібель рыбы. Яна здарылася праз уцечку сцёкавых вод. У ЖКГ ведалі пра аварыю, але вырашылі, што рамонт можа пачакаць, паведамілі ва УУС Гродзенскага аблвыканкама.

Супрацоўнікам ЖКГ паведамілі аб аварыі на каналізацыйна-помпавай станцыі па вуліцы Цэнтральная. На месца прыбыў майстар і паведаміў, што трубаправод спраўны, а яго далейшы рамонт можа пачакаць. Праз неўстараненне паломкі адбылася ўцечка сцёкавых вод у адзін з вадаёмаў. Гэта прывяло да гібелі рыбы. Прычыненая навакольнаму асяроддзю шкода склала больш за 18 000 рублёў.

У дачыненні да 52-гадовага майстра Бераставіцкім РАСК распачатая крымінальная справа паводле артыкула «Забруджванне альбо засмечванне вод». Яму пагражае да трох гадоў пазбаўлення волі.