У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава судзіцца з гродзенскім сайтам — ёй давялося выправіць сваю пасаду і апраўдацца. Рэдакцыя Hrodna.life вывучыла, што адбылося ў вобласці c 22 па 28 красавіка.
Суды за экстрэмізм
Як мінімум 24 судовыя рашэнні аб распаўсюдзе судовых матэрыялаў стала вядома на мінулым тыдні. Судзілі маці ў дэкрэце, начальніка канструктарскага бюро, інжынера па ахове працы. Суды прайшлі ў Гродне, Лідзе, Свіслачы, Астраўцы, Навагрудку, Зэльве, Воранава.
У Ваўкавыску судзяць Івана Сауціна
Пасяджэнне па арт. 411 ч.2 КК «Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі» пройдзе 24 красавіка ў судзе Ваўкавыскага раёна. Суддзя — Мікалай Сяргейка, паведамляе Telegram-канал «Право имеют».
Гэта значыць, што Сауціну вынеслі прысуд і ён адбывае яго ў ваўкавыскай калоніі.
Сауцін — актывіст Беларускай сацыял-дэмакратычнай партыі (Грамада). Яго затрымалі ў 2022 годзе ў Расіі, трымалі ў СІЗА, пасля адпусцілі. Мужчыну экстрадавалі ў Беларусь. Яму ставілі ў віну чатыры артыкулы КК. Па дадзеных dissidentby.com, яго прысудзілі да дзевяці гадоў калоніі ўзмоцненага рэжыму.
Гродзенку Валерыю Латаш судзілі за атрыманне замежнай дапамогі
Пасяджэнне аб парушэнні Дэкрэта № 7 — Дэкрэта Прэзідэнта Рэспублікі Беларусь
Гэта жонка палітвязня Міхаіла Юдзіна. 30 сакавіка 2021 года яго асудзілі на чатыры гады пазбаўлення волі паводле арт.364 КК «Гвалт у дачыненні да супрацоўнікаў міліцыі» на акцыі пратэсту 27 верасня 2020 года.
Новая экстрэмісцкая інфармацыя
- Instagram-акаўнт «vikingmma» і яго лагатып,
- TikTok-акаўнт «news.create» і лагатып,
- TikTok-акаўнт «thisminsk» і лагатып.
Экстрэмісцкімі іх прызнаў суд Лідскага раёна 23 і 24 красавіка.
Затрыманні ў Лідзе
Сілавікі паведамілі пра затрыманне пяці лідчан 26 красавіка. Падрабязнасці пакуль невядомыя. Іх затрымалі на працоўных месцах і на вуліцы.
Бондарава судзіцца з гродзенскім сайтам — ёй прыйшлося выправіць свой допіс і апраўдацца
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай стаў чарговы допіс прарасійскай і праўладнай актывісткі. Пасля суду ён змяніўся.
Расіянін ехаў на цягніку праз Беларусь з «Палком Каліноўскага» ў тэлефоне. Ён трапіў у ІЧУ
Расіянін ехаў у цягніку праз беларускую станцыю Гудагай Астравецкага раёна. Верагодна, падчас мытнага агляду на выездзе з краіны каля 00.30 у яго ў тэлефоне знайшлі экстрэмісцкія спасылкі ў Telegram. Мужчыне давялося затрымацца ў Беларусі - яго змясцілі ў ізалятар.
У Гродне з Новага замка прыбралі мемарыяльную шыльду Касцюшкі
Драўляная мемарыяльная шыльда, прысвечаная побыту ў Гродне нацыянальнага героя Тадэвуша Касцюшкі, знікла са сцяны Новага замка. Шыльда размяшчалася злева ад цэнтральнага ўваходу ў Новы замак і была прысвечана падзеям паўстання 1794 года. Яна была ўсталяваная ў 1994 годзе. Са сцяны замка яе знялі ў сярэдзіне красавіка — тыдзень-паўтара таму.
У Смаргоні судзяць былога палітвязня Рамуальда Улана
Былога палітвязня са Смаргоні Рамуальда Улана судзяць 23 красавіка ў судзе Смаргонскага раёна. Прычынай стала распаўсюджванне экстрэмісцкіх матэрыялаў (арт.19.11 КаАП). Пасяджэнне з’явілася ў раскладзе судовых пасяджэнняў.
Электрамеханік з Гродна дэманстратыўна парваў бюлетэні на выбарах — яго судзілі
Электрамеханік з гродзенскага прадпрыемства Аляксандр Хлябіч у 11.00 у адзіны дзень галасавання 25 лютага дэманстратыўна парваў выдадзеныя яму тры бюлетэні. Ён зрабіў гэта на ўчастку для галасавання ў адной са школ Гродна пры членах камісіі, назіральніках, валанцёрах і выбаршчыках.
На журналіста Hrodna.life Руслана Кулевіча пісалі данос. Што яшчэ мы даведаліся з базы КДБ
Васіль Доста з Масквы напісаў данос на Руслана Кулевіча (тады — журналіста Hrodna.life). Прычынай стала лекцыя Руслана, дзе ён згадаў пра барацьбу з Чырвонай Арміяй у Гродне. Рэдакцыя Hrodna.life вывучыла базу даносаў, якую «злілі» «Кіберпартызаны». Паводле іх версіі, яны атрымалі доступ да 40 000 зваротаў на сайце КДБ за дзевяць гадоў.
