У Беларусі павялічаныя стаўкі акцызаў на тытунёвыя вырабы, а таксама аўтамабільны бензін і дызпаліва, што з улікам значнай долі акцызу ў канчатковай цане можа прывесці да прыкметнага падаражэння гэтых тавараў.
Бярозавік для жыхароў Гродзенскай вобласці будзе каштаваць не больш за Br 1,5 тыс. за літр і будзе рэалізоўвацца непосрэдна на месцах збору, 11 сакавіка паведаміла Белта са спасылкай на Гродзенскі лясгас.
Дзве кардынальна розныя па тэматыцы выставы працуюць з 4 сакавіка ў Музеі гісторыі рэлігіі. На адной з іх можна пабачыць тканыя вырабы канца ХІХ – пачатку ХХ стагоддзя з усіх рэгіёнаў Беларусі, на другой – рэканструаваныя прылады катаванняў і пакаранняў Сярэднявечча і ранняга Новага часу.
Гэтыя выходныя прапануюць гарадзенцам правесці вольны час максімальна разнастайна. У гарадской афішы ёсць канцэрты, паэтычныя вечарыны, спектаклі, моўныя сустрэчы, гульнятэкі і іншае.
Новы варыянт рашэння праблемы з цягнікамі ў беларускім напрамку прапануе польскае Міністэрства інфраструктуры. У Гродна маглі б ездзіць некаторыя вагоны ўжо існуючага цягніка Варшава-Беласток.
Прэзентацыя кнігі Віктара Сазонава “Суседскія былі” адбудзецца ў галерэі Крыга 10 сакавіка, імпрэза пачнецца ў 18.30. “Суседскія былі” – гэта гісторыі беларускага гумару, кажа аўтар, – Не трэба прыдумваць ніякай палітыкі і навукі, каб даказаць, што мы — гэта мы”.
Аператыўнікамі па наркакантролю Гродзенскага райаддзела міліцыі канфіскавана вялікая партыя насвая – больш за 200 кілаграм, паведамляе прэс-служба УУС Гродна 10 сакавіка.
Пасажыры беларускай чыгункі могуць вяртаць білеты, набытыя праз інтэрнэт, без зварота ў касу, паведаміла 9 сакавіка прэс-служба Беларускай чыгункі.
Дэлегацыя бізнес-колаў кітайскай правінцыі Ганьсу 3 сакавіка наведала адміністрацыю свабоднай эканамічнай зоны “Гроднаінвест”. Пра гэта паведамілі ў адміністрацыі СЭЗ.
Facebook набыў беларускую кампанію Masquerade Technologies — распрацоўшчыка дадатка для накладання масак на твары ў рэжыме рэальнага часу MSQRD. Пра гэта паведамляе Business Insider са спасылкаю на афіцыйных прадстаўнікоў сацсеткі.Заснавальнікі MSQRD Яўген Неўгень, Сяргей Ганчар і Яўген Зацяпякін зараз пяройдуць на працу ў лонданскі офіс Facebook. Кіраўнік кампаніі, гарадзенец Яўген Неўгень заявіў, што пакуль Facebook будзе займацца інтэграцыяй тэхналогій MSQRD, дадатак беларускай кампаніі працягне сваё існаванне ў выглядзе асобнага сэрвісу. Са словаў распрацоўшчыкаў плануецца дадаць у сервіс яшчэ больш новых функцый.
