10 першых класаў прыйшлі 1 верасня ў школу № 37 Гродна. Іх чакаў першы ўрок і падарункі ад будучых выпускнікоў з 11 класа. Паглядзіце, як гэта было.
Пачалі са сцяга і гімна
Лінейка перад будынкам школы пачалася з урачыстага выхаду першых класаў, вынасу дзяржаўнага сцяга і праслухоўвання гімна. Дырэктар школы Аляксандр Рымша павіншаваў школьнікаў са святам. Ён паабяцаў, што дзяцей чакаюць не толькі ўрокі, але спартыўныя і забаўляльныя мерапрыемствы.
Ганаровыя госці: пракуратура, МНС, ветэраны
Прысутнічалі на свяце і запрошаныя госці. Гэта былі старшы памочнік пракурора Гродна, старшы лейтэнант 202 асобнага механізаванага батальёна 6 мехбрыгады і намеснік начальніка цэнтра прапаганды абласнога ўпраўлення МНС.
На свята таксама запрасілі ветэрана працы і дачку ветэрана Вялікай Айчыннай вайны Галіну Малчанаву. Яна пажадала першакласнікам шчаслівага шляху ў краіну ведаў і выдатных адзнак для ўсіх.
«Зайздрошчу вам па-добраму. У мяне не было гэтага дзяцінства. У мяне яго адабрала вайна. Падчас акупацыі ў Гродне школ не было. У школу я пайшла, калі мне было 10 гадоў. Беражыце гэты свет і абараняйце яго».
Чытайце таксама: В гродненских школах детей будут учить создавать роботов
Першы званок і зноў гімн
Пасля віншаванняў школьнікаў адзін аднаго са святам, вучні праспявалі песні і прачыталі вершы. Затым будучыя выпускнікі ўручылі падарункі першакласнікам, а настаўнікі атрымалі свае кветкі. Кірыл Саковіч з 11 «Б» і Юльяна Сцяпанава з 1 «А» далі першы званок. Скончылася лінейка паўторным праслухоўваннем гімна.
Чытайце таксама: Чем будут кормить в школах и сколько это стоит
