У выхадныя хочацца паленавацца нават галубцам. Таму і гатаваць будзем не звычайныя, а лянівыя галубцы. Тым больш, што ў крамах ужо з’явілася свежая капуста, каторая гатуецца хутчэй, чым тая, што нарыхтоўвалася на зіму. Цёця Іра паабяцала, што ўся праца ўкладзецца ў 5 крокаў - то рушым.
Крок 1. Найперш гатуем рыс. Крупы прамываем. Вады для варкі бяром удвая больш, чым рысу. Заліваем крупы халоднай вадой. Даводзім да кіпення і варым 5 — 7 хвілін. Выключаем агонь і пакідаем рыс у рондалі пад накрыўкай яшчэ на 15 хвілін.
Крок 2. Пакуль варыцца рыс, падрыхтуем гародніну. Цыбулю дробна крышым. Моркву таркуем на буйной тарцы. Капусту дробна крышым ці таркуем.
Крок 3. На патэльню дадаем дзве лыжкі алею. Прыпускаем цыбулю да празрыстасці.
Дадаем моркву і тушым 3 — 5 хвілін. Дадаем капусту, перамешваем і тушым пад накрыўкай да мяккасці капусты. Гэта зойме 5 — 7 хвілін. Дадаем соль і перац.
Крок 4. У вялікай місцы змешваем ахалоджаны рыс, фарш, гародніну і каляндру. Фарміруем галубцы.
Яны могуць быць у форме шарыкаў ці катлетак. Форму для запякання змазваем алеем і выкладаем сюды лянівыя галубцы ў адзін слой.
Крок 5. Гатуем соус. Для гэтага размінаем таматы відэльцам ці блэндарам. Змешваем іх з ёгуртам і перамешваем соус.
Атрыманай сумессю заліваем галубцы. Запякаем у духоўцы пры тэмпературы 180 градусаў цягам 40 — 50 мінут.
Пры падачы можна пасыпаць свежай зелянінай.
Чытайце таксама:
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…