У Гродне плануюць падрыхтоўку гарадскіх пляжаў да купальнага сезона. Добраўпарадкаваць пляжы хочуць да 20 красавіка 2024 года, паведаміў «Гродна Плюс».
![Гарадскія пляжы падрыхтуюць да сезона да канца красавіка](http://dzh7f5h27xx9q.cloudfront.net/wp-content/uploads/2020/02/pljazh-1024x683.jpg)
Для добраўпарадкавання пляжаў Гродзенскае Таварыства выратавання на водах (ТВВОД) будзе заключаць дамовы з арганізацыямі жыллёва-камунальных гаспадарак. Бо яны нясуць адказнасць за гродзенскія пляжы.
«Мы будзем усталёўваць дзіцячыя купальні, мы будзем абсталёўваць бяспечныя адлегласці, якія акрэсліваюцца на вадзе», — сказаў старшыня Гродзенскага ТВВОД Сяргей Вінаградаў.
Дзе ў Гродне ёсць пляжы
На тэрыторыі горада ёсць чатыры абсталяваныя месцы, каб купацца і загараць: на Юбілейным возеры, Цэнтральны пляж, Вусікі і Ласосна. У верасні 2022 года стала вядома, што летам 2023 года ў Гродне могуць арганізаваць новыя пляжы. Спецыялісты планавалі абследаваць акваторыю каля мікрараёна на вуліцы Лідская і побач з Усходнім мостам. Але яго так і не арганізавалі.
Чытайце таксама: Пакупацца і не атрымаць штраф: карта дазволеных пляжаў у Гродне і Гродзенскім раёне