Пачаліся будаўнічыя працы на Савецкіх Пагранічнікаў, 1 — менавіта там знаходзіцца закінуты басейн. Пакуль тэрыторыю вызваляюць ад смецця і старых канструкцый.
Басейн закінуты ўжо 12 гадоў, а зараз на яго месцы павінен з’явіцца другі ў Гродне аквапарк.
У аквапарку абсталююць альпійскую сауну
У аквапарку з’явіцца некалькі басейнаў з 20-метровымі дарожкамі і воднымі атракцыёнамі. Таксама ў новым «Лазурном» будуць джакузі і СПА-зона з некалькімі відамі лазняў - у тым ліку рускай і альпійскай саунамі.
Па тэме: Якія забавы з’явяцца ў новым аквапарку
Аквапарк плануюць адкрыць вясной 2026 года
Цяпер тэрыторыю і сам будынак вызваляюць ад смецця і небяспечных канструкцый. Згодна з інфармацыяй на пашпарце аб’екта, будаўніцтва скончыцца ў красавіку 2026 года.
Будаўніцтва басейна фінансуецца за кошт сродкаў горада. Раней паведамлялася, што рэканструкцыя абыдзецца ў 12 млн руб.
«Лазурный» зачынены для наведвальнікаў больш за 10 гадоў
Басейн «Лазурный» на Савецкіх Пагранічнікаў - першы крыты басейн Гродна. Яго адкрылі ў 1973 годзе для работнікаў завода карданных валаў, карысталіся ім і іншыя гродзенцы. Будынак закрылі ў 2013 годзе з-за аварыйнага стану. За гады прастою спартыўны аб’ект агульнай плошчай 2000 кв.м. пачаў разбурацца.
