За год колькасць пакупнікоў кітайскіх тавараў у Беларусі вырасла на 70%

|

Жыхары Беларусі сталі больш траціць у кітайскіх інтэрнэт-крамах. Сэрвіс “Яндэкс.Грошы” прааналізаваў плацяжы, зробленыя праз “Яндэкс.Касу” – спецыяльнае плацёжнае рашэнне, да якога падлучаныя больш 75 тыс. расійскіх і замежных анлайн-пляцовак. Высветлілася, што за апошнія 12 месяцаў колькасць пакупнікоў кітайскіх тавараў у Беларусі вырасла на 70%. У цэлым карыстальнікі патрацілі на іх на 50% больш грошай, чым летась, а колькасць плацяжоў павялічылася на 60%.

Гарадзенцам адключаць гарачую ваду 26-28 красавіка. А потым яшчэ ў маі, чэрвені і ліпені

|

З 26 па 28 красавіка Гарадзенскія цеплавыя сеткі будуць праводзіць выпрабаванні на цеплавыя і гідраўлічныя страты па зоне цеплазабеспячэння “Паўночнай” міні-ЦЭЦ. Гарачай вады не будзе на вуліцах: Багуцкага, БЛК (акрамя №40-46), Горкага (з №72 і далей па цотным баку, з №89 і далей па няцотным баку), Гаспадарчая (№19, 34, 4, 21, 23, 29), Урублеўскага, Друскеніцкі тупік (№2), Дамброўскага, Дубко (№7, №5), Камарова, Курчатава (да №12 па цотным баку, па №17А па няцотным баку (акрамя №1), Мясніцкая (№28), Санаторная, Будаўнікоў (цотны бок), Сухамбаева, Серафімовіча (акрамя №1, 1А, 2, 2/1), Талстога.

 

А з 12 мая пачнуцца прафілактычныя адключэнні вады ў асобных раёнах горада, піша “Гродзенская праўда”.

На Днях культуры Ізраіля ў “Чырвонай зорцы” бясплатна пакажуць “Медузы” Этгара Керэта

|

Фільм лаўрэата Канскага фестывалю, ізраільскага пісьменніка і рэжысёра Этгара Керэта “Медузы” можна будзе пабачыць у кінатэатры “Чырвоная зорка” 25 красавіка. Прагляд арганізуе “Гроднааблкінавідэапракат” сумесна з Амбасадай Ізраіля ў Беларусі.

Аднаўленне судаходнага шляху паміж Гродна і Каўнасам абмяркоўвалі ў Гродне

|

Праект па аднаўленні суднаходнага шляху праз беларуска-літоўскую мяжу абмяркоўвалі на сустрэчы кіраўніцтва Гродна з адміністрацыяй шасці гарадоў Літвы, паведамляе Белта са спасылкай на старшыню Гродзенскага гарвыканкама Мечыслава Гоя.

Мужчына, які ледзь не памёр на пешаходным пераходзе, знаходзіцца ў цяжкім стане ў шпіталі

|

Стан гарадзенца, якому ўвечары 18 красавіка стала кепска на скрыжаванні БЛК і праспекта Будаўнікоў, ацэньваецца як цяжкі. Пачаткова мужчыну палічылі мёртвым, але пасля яго ўдалося рэанімаваць. Пакуль невядома, як гэта адаб’ецца на мозгу, бо чалавек перанёс клінічную смерць, а гэта азначае змярцвенне тканак мозгу.

Мужчыну, з якім на пешаходным пераходзе здарылася клінічная смерць, змаглі выратаваць у шпіталі

|

Гарадзенец гадоў 50-ці практычна дайшоў да святлафора, як раптам яму стала дрэнна. Да прыезду хуткай мужчына быў яшчэ жывы. Але ў той момант, калі прыехала хуткая, у яго прапаў пульс і пасінеў твар. Праз некаторы час ён перастаў дыхаць і наступіў стан клінічнай смерці. Каля 30 хвілін дактары чалавеку рабілі непрамы масаж сэрца, штучнае дыханне, разрад. Але ўсё гэта не дапамагала. На шчасце, яго змаглі вярнуць да жыцця ў шпіталі.

“Фэст экскурсаводаў 2016”: якія экскурсіі чакаюць у выходныя ў Гродне і вобласці

|

Бясплатныя экскурсіі ад прафесійных гідаў і аматараў-краязнаўцаў, аўтарскія маршруты і новы погляд на звыклыя аб’екты Гродна і вобласці.

“Яравы” кубак КВЗ збярэ ў Гродне каманды аграрных ВНУ

|

“Яравы кубак” КВЗ сярод студэнтаў з аграрных ВНУ Беларусі адбудзецца ў Гродне 21 красавіка ў 18.00 у моладзевым цэнтры “Гродна”. У спаборніцтвах вясёлых і знаходлівых возьмуць удзел каманды КВЗ Гродзенскага дзяржаўнага аграрнага ўніверсітэта, Беларускай дзяржаўнай сельскагаспадарчай акадэміі, Беларускага дзяржаўнага аграрнага тэхнічнага універсітэта, Віцебскай дзяржаўнай акадэміі ветэрынарнай медыцыны. Працягам свята гумарц будзе танцавальная вечарына.

ДОМ 46 запрашае гарадзенцаў паспрабаваць сябе ў тэатры

|

У творчай прасторы ДОМ 46 набіраюць групу ў лабараторыю па творчасці Данііла Хармса. Тут чакаюць людзей, гатовых паспрабаваць сябе ў тэатры ды паглыбіцца ў прафесію акцёра. Каманда прафесіяналаў дапаможа ім стварыць свой спектакль.

На “Мова Нанова Гародня” выступіць Vinsent

|

Курсы беларускай мовы “Мова Нанова” запрашаюць 18 красавіка на чарговыя заняткі, тэмай якіх будзе “Творчасць”. Галоўным госцем стане беларускі рэпер Vinsent (Зміцер Папко).